Urkunde Nr. 2358 aus Band V

Seite im UB:

44-45

Druckvorlage:

nach Original

Abdruck als:

Volltext

Sprache:

Latein

---

2358

Im Heerlager bei der Furt Tydwrew 1439 September 14 König Albrecht erneuert Stadt und Stuhl Mühlbach die bisherigen Rechte und Freiheiten.

Von der Kanzlei: Commissio domini regis Emerico de Marczaly comite de Wereneze et magistro Johanne custode Zagrabiensi protonotario praesentibus.

Nos Albertus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex et dux Austriae et cetera memoriae commendamus tenore praesentium significantes quibus expedit universis, quod veniens in conspectum nostrae serenitatis fidelis noster¹⁾ Johannes Zaz de Enyed alias de Zenth Janushegye comes nostrae civitatis ac sedis Zazsebes et notarius cancellariae nostrae maiestatis nobis suo ac universorum Saxonum et aliorum cuiusvis [S. 45] status et linguagii hominum in praedictis²⁾ civitate et sede Zazsebes residentium nominibus et in personis nobis significari curavit eo modo, quomodo in anno proxime praeterito, dum illi saevissimi Turci partes nostras Transsiluanas hostiliter subintrantes et devastantes et ex diabolico iniquoque et subdolo quorundam damnatorum hominum civium scilicet annotatae civitatis nostrae Zazsebes tradimento, eandem civitatem nostram surripientes cum villis praetactae³⁾ sedis per ignis voraginem funditus combusserunt, universae eorum literae et literalia instrumenta divorum regum Hungariae nostrorum scilicet praedecessorum, super diversis libertatibus et praerogativis per eos ipsis exponentibus gratiose concessis et praesertim super nundinis seu foris annualibus in festivitatibus beatorum Bartholomei apostoli ac Georgii martyris singulis annis ac foro hebdomadali cunctis feriis quintis in omni hebdomada in praefata civitate celebrari solitis ac etiam ut nullus omnino hominum aliqua alia vina praeter illa, quae in territorio eiusdem civitatis germinantur, infra festum beati Jacobi apostoli in ipsam civitatem inducere et importare ac in eadem deponere vendereque valeat atque possit, nec non super electionibus plebanorum, iudicum, iuratorum et villicorum per ipsos hactenus factis sed et aliis diversis gratiosis exemtionibus et immunitatibus ipsorum confecta⁴⁾ et emanata, ab ipsis alienata⁵⁾ essent et deperdita, supplicans⁶⁾ annotatus magister Johannes Zaz suo ac aliorum quorum supra nominibus et in personis nostro culmini prece subiectiva, ut ipsos in huiusmodi eorum libertatibus et praerogativis conservare dignaremur gratiose. Nos itaque tum humillimis et devotis supplicationibus annotati magistri Johannis Zaz per eum suo ac aliorum praescriptorum nominibus et in personis nostrae maiestati propterea porrectis regia pietate exauditis et clementer admissis tum etenim inopiae et paupertati dictorum exponentium pie compatientes eosdem Saxones et alterius cuiusvis status et conditionis atque linguagii homines in praedicta nostra civitate et sede Zazsebes residentes et commorantes tam praemissis quam aliis quibuscumque eorum libertatibus praerogativis, indultis et gratiosis exemtionibus, quibus ex divorum regum Hungariae nostrorum scilicet praedecessorum gratiosis concessionibus hactenus rite et legitime usi fuerunt et gavisi, uti frui volumus atque potiri. Quocirca vobis fidelibus nostris reverendo in Christo patri domino Georgio episcopo ecclesiae Transsiluanensis nec non magnifico Desew de Losoncz vaivodae, item magistris civium ac iudicibus, iuratis senoribus atque villicis septem sedium Saxonicalium partium nostrarum Transsiluanarum praedictarum nunc constitutis et in futurum constituendis firmissime praecipimus et aliud habere nolentes mandamus, quatenus a modo in antea praefatos exponentes, absque cuiusvis novitatis inventione in praescriptis et aliis quibuslibet eorum libertatibus, praerogativis ac indultis et gratiosis exemtionibus, quibus semper et ab antiquo rite et legitime usi fuerunt et gavisi contra omnes illegitimos impetitores protegentes et conservantes uti, frui et gaudere permittatis et permitti faciatis contra easdem ipsis aliquod impedimentum seu quascumque molestias inferre seu irrogari facere nusquam et nequaquam praesumentes⁷⁾ nec sitis ausi modo aliquali gratiae nostrae sub obtentu. Praesentes quoque post earum lecturam semper reddi iubemus praesentanti. Datum in nostro descensu campestri prope vadum Tydewrew vocatum in festo exaltationis sanctae crucis, anno domini M^o CCCC^o XXX^o nono⁸⁾.

Unter dem Siegel Kanzleivermerk. [S. 46]


1) Unbesiegelte Kanzleiausfertigung hierauf magister.^{^}
2) Unbesiegelte Kanzleiausfertigung praedicta.^{^}
3) Unbesiegelte Kanzleiausfertigung hierauf praetacta.^{^}
4) Unbesiegelte Kanzleiausfertigung confecte.^{^}
5) Unbesiegelte Kanzleiausfertigung alienate.^{^}
6) Unbesiegelte Kanzleiausfertigung hierauf nobis.^{^}
7) Die abgekürzte Endung en auf Rasur.^{^}
8) Unbesiegelte Kanzleiausfertigung die Ziffern ausgeschrieben.^{^}