Urkunde Nr. 2339 aus Band V

Seite im UB:

27

Heute in:

Thorn, Staatsarchiv [Archiwum Państwowe w Toruniu, Toruń]

Heutige Signatur:

Stadt Thorn, Urkunden Nr. 922.

Druckvorlage:

nach Original

Abdruck als:

Volltext

Sprache:

Deutsch

---

2339

Ofen 1439 Mai 25 Hannus Lemmel, Graf von Hermannstadt, ersucht den Stadtrat von Thorn / Torún um ein Leumundzeugnis für Hans Puschhausen, der früher dort Dienst getan hat.

Ersamen vorsichtigen lyben herren meynen sunderlichen fruntlichin grus. Lyben herren, ewer weyssheyt geruche zu wißen, das vor mich ist komen der ersame Hannus Puschawsen, mytpurger in der Hermanstad, und hat mir clagende furgeleget, wy etliche in der Hermanstad seyner ser czu arge haben gedocht, das im an seyn ere geyt, dar umme her sich hart beswert: wy dasher in den Czeyten alse der orden von prewssen myt den pollan crigeten, nu VII ader VIII jar, - dye czeit alze her Tilman von Wege von wegen des ersamen rathes zu Thorum houbtman was und her Gotschalk Stade aws Scheppenbanck, - nicht sulle gefaren han allze eyn bederman. So czeyt her sich torstiglichin an euch und an dy houbtlewthe und an her Claweken son von der Lynden, Hans, und an her Mattis Jungeweisen und an Lucas Watzelrode und noch me gutter lewthe. Hir umme, liben herren, bitte ich euch, alse meyne lyben herren und gunner, und thu eyne froge czu euch mit dessem meynem segel und briff und bitte euch, dy zu frogen, an di her sich czewt, und denne deme vorgenanten Poschhawsen eynen offenen briff wellet gebin, wy her sich czwischen euch gehalden hat, in dem her und ouch sust. Das stet mir umme euch zu vordynen alczeit. Hir mete bevelle ich euch dem almechtigen gote. Geben zu Offen am montage in den phinxst heyligen tagen, anno XXXIX.

Her Hannus Lemmel, ritter, Graff czu der
Hermanstad et cetera ewer gunner.

Adresse auf der Rückseite: Den ersamen vorsichtigen weysen herren burgermeister und rathmanne der stat Thorn in Prewssen, seynen lyben herren und gunneren. [S. 28]