Urkunde Nr. 2335 aus Band V

Seite im UB:

25-26

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 33.

Druckvorlage:

nach Original

Abdruck als:

Volltext

Sprache:

Latein

---

2335

Desch 1439 März 16 ^a) Janko von Thallócz, Ban von Severin und Salzkammergraf in Ungarn, ersucht die Kammergrafen von Sathmar und Szolnok, die Lohnvereinbarungen der Kammergrafen von Dej / Desch und Sic mit den dortigen Salzschiffern zu achten.

Janko de Tallowcz, banus Zewriniensis et universarum camararum salium regalium comes et cetera universis et singulis nostris camarariis in Zathmar et Zolnok pro nunc constitutis et in futurum constituendis nobis dilectis salutem cum dilectione. Quia nos dispositionem solutionis per nobiles Pape Manin et Anthonium Czati, camararios nostros de Dees et Zeek cum celeriis ad dictam camaram de Dees servientibus coram Nikolo Lamperteskj, homine regio, factam et ordinatam vobisque in ipsorum literis notificatam ratam et acceptam habentes eosdem in eadem conservare per vosque facere conservari velimus, idcirco vestrae et cuiuslibet vestrum dilectioni firmiter committimus, aliter habere nolentes mandamus, quatenus praetactis celeriis ad camaram de Dees servientibus ipsorumque cuilibet iuxta modum et formam praetactae dispositionis per praelibatos Pape Manin et Anthonium Czati, nostros camararios, modo praevio factae solvere eosdemque de eadem solutos et contentos reddere debeatis ex expeditos debitis semper temporibus, ita scilicet, ut si dictis celeriis dispositionem ipsorum praetactam in promptis florenis auri solvere non [S. 26] possetis extunc crescente valore dictorum florenorum auri in moneta currente pro uno quoque floreno auri valore eiusdem in moneta huiusmodi ipsis celeriis assignare assignarique facere nulla neglegatis ex ratione, ut iidem celerii ad regalia nostraque servitia eo ferventius reddere se possint praestantiores et sollertiores. Secus ergo in praemissis non facturi. Praesentibus perlectis exhibenti restitutis. Datum in dicta Dees feria secunda proxima post dominicam Laetare, anno domini MCCCCXXXIX^o.


a) Ausstellungsort im UB als: Dej/Desch.^{^}