Urkunde Nr. 2321 aus Band V

Seite im UB:

16-17

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 31.

Druckvorlage:

nach Original

Abdruck als:

Volltext

Sprache:

Latein

---

2321

Ofen 1438 Dezember 20 Königin Elisabeth von Ungarn trägt Stadt und Distrikt Bistritz auf, die verfallenen Mauern der Bistritzer Feste wieder in Stand zu setzen.

Von der Kanzlei: Commissio propria dominae reginae praelatis et baronibus vicariis referentibus.

Elisabeth dei gratia regina Hungariae, Dalmatiae, Croatiae, etcetera Austriaeque et Styriae ducissa, nec non marchionissa Moraviae etcetera fidelibus nostris universis civibus et hospitibus ac incolis civitatis nostrae Bystriciensis partium nostrarum Transsilvanarum, totique communitati provinciae seu districtus eiusdem Bystriciensis salutem et gratiam. Ad nostram praelatorumque et baronum nostrorum dominorum vicariorum pervenit notitiam, quomodo muri et alia aedificia fortalitii ipsus civitatis nostrae magnam ruinam paterentur¹⁾ et rupturam, minime vos de eorundem reformatione curantes. Unde fidelitati vestrae districtissime praecipientes mandamus, quatenus receptis praesentibus vos, cives et hospites in dicta civitate nostra Bystriciensi commorantes, circa citatam reformationem praetacti muri aliorumque aedificiorum ipsius fortalitii civitatis unanimi cura et labore, iuxta informationem iudicis et iuratorum civium vestrorum, intendatis; vos vero, hospites et populi in praedicto districtu Bystriciensi residentes, similiter iuxta requisitionem et informationem dictorum iudicis et iuratorum civium dictae civitatis nostrae Bystriciensis ipsis civibus ad reformationem praetactorum aedificiorum et muri assistere, et eis in ipsa [S. 17] reformatione adiuvare debeatis, pro universo et reipublicae commodo et utilitate. Et aliud non facturi, nec sitis ausi modo aliquali. Datum Budae sabbatho proximo ante festum beati Thomae apostoli, anno domini M^o CCCC^o XXX^o octavo.

Unter dem Siegel Kanzleibemerkung.

Auf der Rückseite gleichzeitig: Avisatio pro aedificatione civitatis cum commissione.


1) Vorlage pateretur. ^{^}