Urkunde Nr. 2307 aus Band V

Seite im UB:

5-6

Druckvorlage:

nach Abschrift

Abdruck als:

Volltext

Sprache:

Latein

---

2307

Klausenburg 1438 April 18 Bischof Georg von Siebenbürgen fordert die Pfarrer des Bistritzer und Kiralyer Kapitels auf, sich keine Scholaren oder Glöckner zum Altardienst gegen ihren Willen aufzwingen zu lassen.

[S. 6]Georgius dei et apostolicae sedis gratia episcopus Transsiluanus discretis viris dominis decanis ac universis plebanis de Bistricia et Kyralia pro nunc¹⁾ constitutis et in futurum constituendis nobis in Christo sincere dilectis salutem cum benedictione paterna. Quia frequenter superiores per malos subditos solent pati iniurias, quod utique in nostra diocesi maxime apud plebanos nostris iurisdictionibus subiectos tolerare nequaquam volumus. Vobis igitur universis et singulis sub poena excommunicationis firmiter praecipimus et mandamus, sicut et mediantibus aliis literis nostris vobis superinde mandasse recolimus, quatenus a modo et deinceps nullum scolarem vel campanatorem²⁾ in vestris ecclesiis vel parochiis, qui praeter et absque consensu plebani loci illius vel esse receptos vel in futurum reciperetur tenere debeatis neque administrationem altaris talem admittatis. Volumus insuper, ut quilibet vestrum huiusmodi mandatum in sua ecclesia suis laicis pronunciare debeat notificationem eisdem, quod si tale mandatum nostrum ausu temerario violare quivis praesumserit, ex tunc eosdem gravi poena puniemus, ne in futurum et ipsi possint se excusare. Tales autem scolares vel campanatores³⁾ huiusmodi nostrum mandatum non advertentes de dictis decanatibus omnino volumus expelli et excludi. Quicumque autem plebanorum tales scolares vel campanatores assumere praesumpserint praeter sententiam excommunicationis praemissam nobis 3 marcas argenti puri solvere teneatur de facto. Super quo ipsorum decanorum conscientias oneramus. Datum in Caluswar, feria 6^ta proxima post festum Paschae domini, anno eiusdem M^o CCCC^o XXXVIII^o.


1) Am Rande später hinzugefügt. ^{^}
2) Vorlage camponatores. ^{^}
3) Vorlage camponatorem. ^{^} >