Urkunde Nr. 2303 aus Band V

Seite im UB:

3-4

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 10.

Druckvorlage:

nach Original

Abdruck als:

Volltext

Sprache:

Latein

---

2303

Ofen 1438 Februar 14 König Albrecht teilt dem Rat und der Gemeinde von Kronstadt und dem Burzenländer Distrikt u.a. mit, dass sich der muntenische Woiwode Vlad II. Dracul verpflichtet habe, ihnen keinen Schaden zuzufügen und sie gegen Einfälle der Türken zu schützen.

[S. 4] Von der Kanzlei: Commissio propria domino regis.

Albertus dei gratia rex Hungariae, Dalmaciae, Croaciae Austriaeque et Stiriae dux ac marchio Moraviae et cetera. Providi et circumspecti viri fideles nostri sincere dilecti. Commendabilem fidelitatis vestrae constantiam sacrae regni nostri coronae hucusque illabatae observatam plurimorum fidedignorum relatio nostrae patefecit maiestati quae tanto laetiori vultu audivimus quanto itidem per temporis futuri processum nostro felici vigente regimine in vobis experiri peroptamus. Cupientes nos his vestris suadentibus potentiariis vos < >¹⁾ optata gaudem < >²⁾ tenoris literas scripsimus fideli nostro magnifico Wlad, vaivodae partium nostrarum Transalpinarum, ut ipse nullius vos damnificationis turbatione afficiat quin immo etiam ab aliorum insultantibus gravaminibus signanter vero a saevissimorum Turcorum invasionibus indemnos debeat praeservare. Quapropter ipsam vestram fidelitatem seriose requirimus et rogamus eidem committentes. quatenus taliter vestra solita fidelitatis constantia successu temporis in vobis operis per effectum continuata appareat, ut ipsa vestrorum qualitas meritorum ad prosequendum vos favoribus gratiarum nos quasi per debitum attrahat et inducat. Illud autem etiam vobis notificandum non obmisimus qualiter inter ceteras varias nostras dispositiones honorem comitatus Siculorum nostrorum talibus duximus conferendum personis de quorum fide et operum strenuitate nulla dubitatione possumus agitari, quos paucorum dierum labente curriculo cum tali dispositione in ipsas nostras Transilvanas et versus vos transmittemus eadem < >³⁾ ipsorum suffulti praesidio et defensione ab omnium aemulorum < >⁴⁾ illaesae poterunt et valebitis remanere. Datum <Budae>⁵⁾ in festo beati Valentini martyris, anno domini millesimo quadringentesimo tricesimo octavo.

Auf der Rückseite Adresse: Providis et circumspectis viris magistro civium, iudicibusque iuratis senioribus ceterisque civibus et toti populo nostrae civitatis Brassoviensis et totius districtus nostri Barczensis fidelibus nostris sincere dilectis.

Auf der Rückseite von gleichzeitiger Hand:
Reynels Hans 3,
Iacob Goltsmyd 4,
Honnen Jacob duos,
Kristhin ? Fleysch V,
Jacob Messersmyd V,
Alt(er) Reynels Clos V.


1) Lücke 0,8 cm.^{^}
2) Lücke 6,5 cm.^{^}
3) Lücke 2 cm.^{^}
4) Lücke 1,2 cm.^{^}
5) Lücke 1 cm.^{^}