Urkunde Nr. 4744 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 14.

Druckvorlage:

nach Original

Abdruck als:

Volltext

Sprache:

Deutsch und Latein

---

4744

Hermannstadt 1487 November 9 Der Rat von Hermannstadt bestätigt die Satzungen der Leineweberzunft.

Nos magister Thomas Altenberger magister civium, iudices et iurati consules civitatis Cibiniensis memoriae commendamus tenore praesentium significantes quibus incumbit universis praesentibus et futuris, quod cum nos certo die ad officia reipubliacae in consistorio civitatis nostrae pariter consedissemus, comparuerunt coram nobis procidi viri Mathias Heen de Burgberg, Cristofferus de Braschovia et Andreas Sybeth de Grosschewrn, artis et ezechae linificum magistri nomine et in persona omnium et singulorum aliorum magistrorum artis eiusdem. Qui exhibuerunt et praesentarunt nobis certos anticulos infrascriptos supplicantes nobis saepenumero, ut easdem conformare, roborare et pro uberiori eorum conservatione manutenere deberemus. Quos articulos pro maiori cautela materna lingua prasenti literae conscribi fecimus. Quorum primus est talis: Item wann vber kurcz oder langczeyt eyn oder mer meyster leynwebar hantwercks ausser des yeczgemelten hantwerks ausserhalb der gemelten yrer czeche tzegeprauchen vnderstuenden vnd wolten der yetzgenanten czech ge-rechtikayt nicht halten, dem oder den selben mitsambt irem gesyndt sol sollich handtwerkh sych des verren czwgeprauchen verpoten vnd nydergelegt werden, vnd alsdann so sol solichen sich in sollich czeche czerichten vnd czekewffen mit eyens rats czu der Hermanstat gewalt gepoten werden. Item das keyn mayster irs handtwerks ausserhalb der genantten yrer czeche vom montag bys auff den dynstag czw mittag gann czukewffen nicht frey seyn. Es sol auch keyn mayster irs handtwerks ynner oder ausser yrer czech yn dorffer czw cziehen garnn czu keuffen nicht frey seyn. Wurden awer eyner oder mer meyster leynweber handtwerks der gemelten czech in solichem begriffen oder befunden, vor wievil gulden oder pfennig der oder dieselben garn gekawft hietten, vmb alsovil gulden oder pfennig sullen sy der gemelten czech czubeczallen erfallen seyn. Ob aber etlich mayster leinweber hantwerks die nicht yn irer czech oder mittel weren solichen yetzgeschriben artikel uberfwren vnd darinn befunden wurden, sollich sullen dem gericht verfallen seyn. Item es sol auch keyn meyster seyler handtwerks durich sych selbs seyn elich hawsfrawen durich seyn kynder, durich seyn gesyndt noch durich yemandt anderen an eynem marcktag vber funff streng garnn czekawffen nicht frey seyn. wurden aber in solichen vbertretten eyner oder mer befunden, der oder die selben sollen vmb solich vberfaren nach eynes rats erkantnuss gestrafft werden. Item es sol eyn yeder strang garnn, er sey leyin, henfyn oder wirkin ellen langk seyn, wurden awer sollich streng begriffen oder befunden, die da kuerczer weren dan ellen langh, sollich sullen dem gericht verfallen seyn. Item es sol auch keyn mayster inner nych ausser der gemelten czech kain tuch oder leynwat machen das der auswendig wirkin vmd ynwendig henffin oder auswendig henffin vnd ynwendig wirkyn sey; wurde awer sollich strafflich leynwat befunden dy sol verbrint vnd der oder dye so ynner der genanten czech weren vnd sollich leynwat gemacht hietten oder bey yn befunden wurd, sullen nach erkantnus der genantten czech desshalb gebiest werden. Wurde awer sollich strafflich leynwatt von maysternn ausserhalb yrer czech gemacht befunden, es wer von eyndem oder mer sollichen maysteren der oder dye selben sullen nach erkantnus eynes radts dem gericht verfallen seyn. Item es sol auch eyn yeder mayster der genantten czech oder hantwerks czw eynem yedem stuck nicht weniger legen dan hundert ellen vnd also manchen ellen yn eynem yeden stuck von kurcz oder weniger befunden wirt, also vmb manich pfunt wachs sal der oder die solich leynbath machen von der gemelten czech gebiest werden vnd eyn yeder mayster, die ausser der czech seyn vnd solich leynbath machten, sullen auch nach eynes rats erkantnus desshalb gestrafft werden. Wurd auch eyn solich stukh leynbat eynes vingers greyt cze schmal gemacht von eynem meister inner der czech befunden, es war von eynem oder meren sollich sullen yn dy czech vmb vier pfund wachs bestrafft werden. Ob awer sollich straffliche leynbat ausserhalb ierer czech befunden wuerd, die sol dem gericht verfallen seyn. Item wan sich auch begeben wuerd vber kurcz oder langk, das eyn oder mer mayster des obgenantten hantwergs mit tod abgiengenynd ir elich hwasfrawnn in wyttwen stant hynder in liessen, die oder dieselben mugen das hantwerkh also in witwen stat arbeytten, so verre syn hantwercks gewonhayt oder gerechtikayt ist mitgefurnn werden, also lang sy yn witwen stant beleiben. Sollich wittwen sullen auch nicht frey seyn keyn magd das hantwerg czu lernen im wytwin stand. Wurd eyn oder mer wittib wyser sollichen artikel befunden, so sol der oder denselben wytwen vnd sollichen mayden das hantwerkh nyder gelagt werden. Begebe sich auch, das sych eyn oder mer sollich wittwen ausserhalb des genantten hantwergs verenderten, den selben sol hierfuer das hantwerk czetreyben nydergelegt vnd verpoten seyn. Item ob auch eyn ander hantwerker oder gepawr eyn elich hawsfraw hiet, die das gemelt hantwergh gelernt hyet, sollichen frawen sol das genant hantwergh czetreyben vnd czearbayten voerposer also verpoten seyn aussgenommen was syn von irer oder irem gesyndt gespunst gehaben, das mag sy czu ires haws hottuerfft verarbeytten. Sollich frawen sollen auch nicht frey seyn durch sich selber oder yemandt anderen garnn czukauffen vnd das ausserhalb ires hwas verrer czuverarbeytten oder czuverkauffen. Wurden awer solich befunden, die sollen von eynem radt darumb gestrafft werden. Item es sol auch keyn lediger gesell noch weypsbild inner noch ausser der genantter czech in der statt noch im ganczen Stuel verrer danx vorbegriffen ist maysterschafft czetreyben nicht frey seyn. Ob awer etlich darvber befunden wurden ir weren vyl oder wenig, den sol solich hantwerg mit hylff eyns radts verpoten, nydergelegt vnd ausgetriben werden. Item ob sych auch vber kurcz oder lang begeb, das ein mayster des genantten hantwergs alt, krankh oder sunst abkam vnd das hantwerg czetreyben nicht vermugent wer, des selben maysters eliche hausfraw vnd seyn kynder sol sollich hantwergh czutreyben vnd czuarbaytten noch irer czech gewonhayt vnd gerechtikayt verhengt vnd erlaubt werden, damit sie sych dester bas erneren moegen. Item es sol auch keyn mayster innr oder ausser der genanten czeche des vorgenantten handwergs keynen werchcuewg noch geczewg machen den ausserhalb irer czech czuverkauffen nicht frey seyn. Ob eyner oder mer yn solichen artikel befunden wurden, die sullen nach gewonhayt irer czech gebiest werden, nemlich als vmb vyl pfennig oder fulgen eyn yeder vyl oder wenig geczewg verkaufft hat also vyl ist eyn solicher der genantten czech erfallen czwbeczallen. Wurde sich awer eyner oder mer wider sollich irer czech straff wyderen oder sperren, der oder die selben nemlich yeder besunder sollen der stat tzu peen verfallen seyn eyn ofen czyegel. Item es sol auch keyn mayster ausserhalb der genantten czech eynen jungen das hantwerg czu lernen nicht frey seyn. Ob awer solich befunden wurden, so sullen solich iungen mit hylff eynes rats von solichen maysteren genomen werden. Item es sol auch kayn mayster inner oder ausserhalb der gemelten czech an jarmerckten mit kauff oder leynbat keynen eynfal machen. Wurde awer eyner oder mer mayster inner oder ausser der obgeschribner leynbewar czeche des gemelten hantwergs in solichem artikel befunden der oder dieselben namlich yeder besonder sollen verfallen seyn oder erstgenannten czech eyn mark sylber. Wurd awer eyn solicher oder mer tzam andernmal begriffen, so sol eyn yeder besonder der also vberfuert oder befunden wirt tzu peen irer czech czubeczallen verfallen seyn tzehen gulden. Ob awer solich mayster leynwebar handtwergs ausser der genantten czech yn solichem vorgeschriben artikel straffber befunden wurde, der oder dyeselben sollen nach erkantnuss eynes radts gestrafft werden. Item es sol auch keyn mayster das segenantten hantwergs inner oder ausserhalb der gemelten czech nicht frey seyn in derfferen oder marckten leynwat oder garn czu kauffen oder czubestellen durich sych selber oder durich yemand anderen ausgenomenn an gemeynem iarmarkten, da sol vnd mag ein yeder mayster kauffen sovil ym nottuerftig ist. Ob awer eyn oder mer mayster des gemelten hantwergs inner der genantten czech solichen artikel vberfueren, der oder dye selben yeder besonder sullen der vorgeschriben irer czech tzu peen verfallen seyn eyn mark sylber. Wurden aber solich verner befunden oder begriffen vnd vberfueren solichen artikel tzwm andernmal, der oder die selben yeder besonder sullen vierczigkh guldin nemlich czwayntzigkh guldin der stat vnd dy vbrigen tzwayntzigkh guldin vnser lieben frawen kirchen tzw der Hermanstat tzwbetzallen verfallen seyn. Ob awer eyn oder mer mayster des gemelten hantwergs ausser der offtgemelten czech solichen artikel tzu eynem oder mermalen vberfuren oder vbertretten, der oder dye selben sullen tzu yedem mal nach eynes rads erkantnus gestrafft und gebyest werden. Item es sol auch keyn Croner oder Wurtzlender an keynem marktag leynwatt hertzepringen nicht frey seyn ausgenomen an der czwayr heyliger Crewtztag, am geschworem montag cnd am grossen dynstag. Wurden awer vber solichs eyner oder mer begrifen, dye sullen eynem radt vnd dem gericht in straff verfallen seyn. Item wan sich auch vber kurcz oder lang czeyt begeben wurd, das eyn oder mer mayster des obgemeltem handtwergs wyder die offtgenanten ir czech vnd ordnung teten oder handelten wie oder welichen form oder gestalt das beschehte vnd desshalber von gemeyner czech gebuest wurden vnd sollich gestrafften wolten solich straff von gemayner czech nicht auff-nemen, dem oder denselben mitsampt ierem gesyndt sol das hantwerg vnd garnkauff nydergelegt vnd verpotten seyn also lang bys sy sich mit der obgenantten ctech gericht vnd iren willen funden haben. Item ob auch eyn oder mer mayster blae geczogen arbayt vnd machten dye kurcz oder czu schmal nach der ellen oder mass desshalber daruber gemacht nemlich der oder dye so inner der genantten irer czech weren vnd solich plao geczogen arbed czu schmal machten, der oder dyeselben sullen von yedem roer sovil es czu schmal ist eyn pfund wachs, cnd wer solich arbeyt czu kurcz machte, sollich sullen von der genantten irer czech vmb eyn pfundt wachs gestrafft werden. Ob awer solich strefflich arbayt von andern maysteren ausserhalb ihrer czech gemacht befunden wurdt, der oder die solich strafflich arbayt gemacht hyetten, sullen nach erkantnuss darumb von eynem radt gestrafft werden. Item es sol auch kayn mayster blao geczogen arbayt machen oder tzu arbeytten frey seyn ausgenommen, es hab den eyn solicher der genantten czech desshalber genug gethan. Ob awer solich innern oder ausser ierer czech befunden wurden, den sol solich handtwergh nydergelegt werden also langk biss der oder dye der genantten yerer czech darumb genueg gethan haben alles getreulich vnd an alle geverde.

Nos autem matura et diligenti perspectione dictorum articulorum praehabita comperimus eosdem pro uberiori dictorum magistrorum ac totius czechae eorundem sine derogamine, praeiudicio aut dampno quorumcumque legittime esse admittendos. Quare nos ipsos articulos assumpsimus, rovoravimus et manutenuimus ymmo assignavimus, roboravimus et praesentibus manutenemus nostro tamen et successorum nostrorum beneplacito durante. In cuius rei ecindentiam praesentes literas nostras patentes sigillo memoratae civitatis nostrae maiori et autentico subappenso consignatas praedictis magistris artis linificum nomine et in persona omnium aliorum magistrorum artis et czechae eiusdem postulantibus ad cautelam duximus concedendas. Datum Cibinii feria sexta proxima ante festum beati Martini episcopi, anno domini millesimo quadringentesimo octogesimo septimo.