Urkunde Nr. 4734 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 233.

Druckvorlage:

nach Original

Abdruck als:

Volltext

Sprache:

Latein

---

4734

Wiener Neustadt 1487 Oktober 2 König Matthias befiehlt dem siebenbürgischen Vizewoiwoden, den Grenzstreit zwischen den Burzenländern und den Szeklern aus den Stühlen Orbai und Sepsi zu entscheiden.

Von der Kanzlei: Commissio propria domini regis.

Mathias dei gratia Hungariae, Bohemiae et cetera rex duxque Austriae fideli nostro egregio vice vaivodae partium regni nostri Transsilvanarum salutem et gratiam. Quia nos revisionem illarum differenciarum, quae inter fideles nostros universos incolas terrae Barcza ab una, et Siculos nostros sedium Vrbay et Zepsy vocatarum ab altera partibus, ratione et praetextu quorundam pratorum, vallium er herbarum orta et suscitata esse dicitur, nomine et in persona nostrae maiestatis, tibi ac egregio Lucae Literator de Zegedino, familiari nostro, quem scilicet his diebus illo missuri sumus, commitendam duximus, committimusque per praesentes. Mandantes fidelitati tuae firmissime, quatenus acceptis praesentibus, vocatis coram te ad unum certum et brevem terminum praedictis partibus, auditisque earundem propositionibus, allegationibus et responsis, visis etiam et bene examinatis eorundem partium iuribus, differentias huiusmodi unacum praefato Luca literato homine scilicet nostro revidere, ac easdem iuris ordine finaliter componere et complanare modis omnibus debeas et tenearis, faciendum id quod per vos deliberatum fuert, per partes firmiter observari, auctoriatate nostra praesentibus vobis in hac parte plenarie attributa et iustitia mediante. Aliud non facturi. Praesentibus perlectis exhibenti restitutis. Datum in Arce Novae civitatis nostrae Austriae feria tertia proxima post festum beati Michaelis archangeli, anno domini millesimo quadringentesimo octogesimo septimo.

Auf der Rückseite von der Hand des gleichzeitigen Kronstädter Notars: Littera ex parte metae versus Siculos, mit späterer Schrift: in Bwzaw.

Darunter in Schrift der Mitte des 16. Jahrhundert (Matthias Fronius?): Litterae Mathiae regis praeceptoriae ad vice vaivodam pro discussione differenciae inter Ciculos et Barczenses, causa metarum, 1487.