Urkunde Nr. 261 aus Band I

Seite im UB:

192-193

Heute in:

Venedig, Städtisches Museum [Museo Civico Venezia]

Heutige Signatur:

Codices, Cigocna 293/21 A

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

261

Ofen 1298 Juli 28 ^a) Der ungarische Reichstag, und auf diesem auch die universitas nobilium Ongarorum, Siculorum, Saxonum et Comanorum, erhebt den Erzieher des Königs Andreas III., Herzog Albertinus von Slavonien in den ungarischen Adelstand.

Joannes miseratione divina archiepiscopus Colocensis, aulae regiae cancellarius, Petrus Transyluanus, Andreas Agriensis, Thomas Bosnensis, Benedictus Vesprimiensis aulae dominae reginae cancellarius, Paulus Quinqueecclesiensis, Haba Vaciensis, Theodorus Jaurinensis, Michael Zagrabiensis, Enricus Varadiensis, frater Antonius Scenadiensis, aulae regiae vicecancellarius, ecclesiarum episcopi, Dominicus magister tavernicorum domini regis, Opour palatinus Citradanubialis, Rolandus palatinus Ultradanubialis, Ladislaus vaivoda Transyluanus, Jacobus banus totius Sclauoniae, Stephanus iudex curiae domini regis, Nicolaus filius Enrici, et Homodeus quondam palatini, Thomas comes Borsiensis et Mtriensis, Moyses magister tavernicorum dominae reginae, Rolandus quondam vaivoda, Joannes filius comes Vntensis, magister Dominicus filius Petri, Ladislaus quondam banus, Petrus et Paulus filii Compoldi, comes Opus, magister Lucas comes Zaladiensis, magister Alderius, Hymch comes de Barana, Joannes comes Albensis, magister Laurentius comes Vesprimiensis, Paulus comes Jauriensis et magister Demetrius comes Poso- [S. 193] niensis ac universitas nobilium Ongarorum, Siculorum, Saxonum et Cumanorum¹⁾ omnibus Christi fidelibus praesentes literas inspecturis salutem in largitore salutis. Gesta magnifica nedum proprios consueverunt promovere actores, verum etiam suis posteris talem acquirunt gloriam, ut inter bene meritos laudentur et honoribus seu dignitatibus sublimentur. Pro eo dominus Albertinus dux totius Sclauoniae et comes de Possega, avunculus domini Andreae dei gratia illustris regis Ongariae domini nostri naturalis, vir magnificus, etsi in propria persona ex suis inclitis actibus honorandus non minus tamen in suis posteris fore [ ]²⁾ sublimandus. Hinc est quod dictus dominus Albertinus ipsum dominum Andream dei gratia illustrem regem Ongariae dominum nostrum naturalem suum nepotem a tempore pueritiae suae usque aetatem iuventutis in domo sua ut pater filium naturalem et tandem accepta totius regni petitione eundem dominum nostrum regem tamquam pretiosum regni thesaurum, sub fideli custodia conservatum in medium nostri adducendo educaverit innumeram pecuniae quantitatem pro eo expendendo, et multis fortunae casibus personam suam submittendo propriam, convenientibus nobis in unum apud Budam in congregatione regni generali habita deliberatione provida et matura etiam quod tanta beneficia in conservatione eiusdem domini nostri exhibuit et impendit toti regno in eo etiam, quod per ipsius industriam sollicitudinem laudabilem huic regno a multis temporibus citra in diversis turbationibus et mirabilibus adversitatibus fluctuanti, et fere iam in omnibus suis partibus usque ad extremam exinanitionem deducto ad reformationem et statum tranquillum salubre remedium est provisum, dignum fuit, ut remunerationis seu recompensationis commodum, ex parte regni, si non in totum, tamen in parte sentiret fructum etiam in posteros diffundendum. Placuit itaque universis et singulis, ipsum dominum Albertinum et per eum omnes ab eo descendentes tamquam virum ab antiquo generosum nostrae universitatis coetui aggregare et aggregatos congaudere nobilitatis privilegio, quo universi barones et nobiles regni Ongariae consueverunt ab antiquo gratulari. In cuius rei testimonium praesentes eidem concessimus literas sigillorum nostrorum authenticorum munimine roboratas. Datum Budae, anno domini MCCXCII, quarto Kalendas Augusti.


a) Nach Dinca - Kovács, Ergänzungen 140 statt: 1292 Juli 29.^{^}

1) Vorlage: Germanorum (Cumanorum).^{^}
2) Lücke.^{^}