Urkunde Nr. 4719 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 447.

Druckvorlage:

nach Original

Abdruck als:

Volltext

Sprache:

Latein

---

4719

Hermannstadt 1487 Juni 11 Der siebenbürgische Woiwode Stephen Bathori entscheidet zwischen den Adligen Johannes und Ambrosius von Rosch obwaltenden Streit wegen Einlösung einer verpfändeten Ansäßigkeit in Rosch.

Nos comes Stephanus de Bathor vaivoda Transsilvanus necnon iudex curiae serenissimi principis domini Mathiae dei gratia regis Hungariae, Bohemiae, Dalmatiae, Croatiae et cetera memoriae commendamus, quod nobis sabbato procimo ante festum sanctae et individuae trinitatis¹⁾ in civitate Cibiniensi una cum certis nobilibus constitutis et existentibus nobilis Johannes de Rawas nostram veniens in praesentiam praesente ibidem nobili Ambrosio de eadem Rawas nostri in praesentiam bitato contra eundem proposuit eo modo. Quomodo ipse de illis duobus florenis pro quibus quadam sessio iobagionalis praefati Iohannis in praescripta Rawas in comitatu Albensi existens erga ipsum Ambrosium fuit impignorata eidem Ambrosio satisfacere et eam ad se recipere vellet iure admittente. Quo audito idem Ambrosius respondit ex adverso, quod hoc bene verum foret et praescripta sessio erga eum impignorata foret et haberetur, sed eam sibi non ipse Iohannes sed nobilis Sigismundus de Bolya et non pro dictis duobus florenis sed pro sex impignorasset, et mox ibidem exhibuit coram²⁾ nobis²⁾ quasdam literas dictorum comitum vel vicecomitum et iudicialium comitatus Albensis fassionales continentes, quod dictus Sigismundus ipsam sessionem iobagionalem praefato Ambrosio pro dictis sex florenis impignoracit. Ubi idem Sigismundus nostra in praesentia existens affirmavit, quod dicta sessio iobagionalis erga eum solum pro duobus florenis impignorata fuisset. Quibus sic habitis praedictus Iohannes sibi ipsi iustitiam administare postulabat. Unde quia praefatus Sigismundus dictam sessionem erga se solum pro dictis duobus florenis impi-gnoratam fuisse perhibuit, ideo nos iudicantes commisimus eo modo, quod dictus Iohannes ipsos duos florenos redacto Sigismundo solvere ipse vero Sigismundus de dictis sex florenis supradicto Ambrosio satisfacere et idem Ambrosius dictam sessionem iobagionelm praetacto Iohanni remittere debeat et teneatur. In cuius rei testimonium praesentes literas nostras eidem Iohanni duxius concedendas. Datum loco in praedicto, tertio die termini praenotatis, anno domini millesimo quadringentesimo octogesimo septimo.


1) Juni 9.^{^}
2) Über der Zeile. [2x]^{^}