Urkunde Nr. 4704 aus Band VIII

Heute in:

Bukarest, Staatsarchiv [Arhivelor Naţionale ale Romȃniei, București]

Druckvorlage:

nach Original

Abdruck als:

Volltext

Sprache:

Latein

---

4704

Vor Wiener Neustadt 1487 April 8 König Matthias verbietet den Kastellanen von Weingartskirchen, die Bewohner von Mühlbach am Kalkbrennen zur Befestigung ihrer Stadt zu hindern.

Von der Kanzlei: Commissio propria domini regis.

Mathias dei gratia Hungariae, Bohemiae et cetera rex, ducisque Austriae fidelibus nostris egregiis castellanis castri Wyngarth salutem et gratiam. Exponitur maiestati nostrae in personis fidelium nostrorum circumspectorum iudicis et iuratorum civium et totae communitatis civitatis nostrae Zazsebes querulose, qualiter vos eisdem civibus nostris cementum pro reformatione eiusdem civitatis nostrae necessarium in quodem loco in quo scilicet ipsi alius semper libere laborassent, laborifacere minime permitteretis in praeiudicium eorundem et dampnum. Et quia nos volentes, ut ipsa civitas nostra reformari et in minitionibus fortificari possit, eisdem civibus nostris id annuimus et concessimus, ut ipsi non solum in illo loco sed etiam alias ubicis, ubi scilicet eisdem aptius videbitur, pro reformatione dictae civitatis nostrae cementum laborarifacere possint et valeant. Fidelitati idcirco vestrae serie praesentium firmiter praecipimus et mandamus, quantenus eisdem civibus nostris huiusmodi cementum in dicto loco et alias ubicis, ubi ut praemittitur eisdem aptius videbitur, sine amni impedimento laborarifacere permittere modis omnibus debeatis et teneamini. Alioquin commisimus et praesentibus strictius committimus fidelibus nostris magnifico vaivodae vel suis vicevaivodis partium regni nostri Transsilvanarum, ut ipsi eosdem exponentes contra vos in hac parte modis omnibus tueantur et defendant, autoritate nostra praesentibus ipsis in hac parteconcessa mediante. Aliud ergo non facturi. Praesentibus perlectis exhibenti restitutis. Datum sub annulari secreto sigillo nostro in castris exercitus nostri in obsidione Novae Civitatis Australis in dominica Ramispalmarum, anno domini millesimo quadringentesimo octogesimo septimo.