Urkunde Nr. 4684 aus Band VII

Seite im UB:

471-472 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 219 - Abt. 13: K. A. Mediasch [Parohia Ev. CA Mediaş], Nr. 30 (alt Nr. 53).

Druckvorlage:

nach Original

Abdruck als:

Volltext

Sprache:

Latein

---

4684

Wien 1486 Dezember 21 König Matthias trägt dem Richter, den Geschworenen und der Gesamtheit des Marktes Mediasch auf die Befestigungsarbeiten voranzutreiben und gegen Arbeitsverweigerer mit aller Strenge vorzugehen, [S. 472]

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris circumspectis iudici iuratisque civibus et toti communitati opidi nostri Megyes salutem et gratiam. Accepimus nonnullos esse ex vobis et in medio vestri residentes, qui laboribus illis quos cives eiusdem opidi nostri in muniendis et fortificandis opidum illud piscinis, aggeribusque et fossatis circumquaque inchoaverunt non modo contradicerent aut ipsos in huiusmodi laboribus eorum opera et auxilio iuvare vellent immo ceptum opus huiusmodi totis nisibus impedire conarentur, cuius occasione labor ipse per tot varietates et sententias diversas minime consumaretur. Quia autem nos volumus ut non obstantibus contradictionibus quorumcumque labor ceptus quam primum perficiatur, mandamus idcirco fidelitati vestrae firmissime, quatenus postquam temporis communitatem nancisci seu habere poteritis iuxta limitationem iudicis et iuratorum civium vestrorum universaliter nemine excepto huiusmodi laboribus salutaribus incumbere et assistere et tali diligentia et studio ac festinatione eiusdem continuare debeatis, ut quam primum labor ipse debitum finem sortiatur. Alioquin facultatem damus praefatis iudici et iuratis civibus vestris, ut ipsi omnium illorum, qui huiusmodi labori contradicerent ac in eisdem eos iuvare recusarent, res et bona maiestati nostrae occupare et tenere debeant auctoritate nostra ipsis in hac parte attributa mediante. Aliud igitur non facturi. Datum Viennae in festo beati Thomae martyris. anno domini millesimo quadringentesimo octogesimo sexto.


a) Seitenumbruch nach Kopfregest.^{^}