Urkunde Nr. 4668 aus Band VII

Seite im UB:

456-458

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125), Z 5 Nr. 110 fol. 81f.

Druckvorlage:

nach Abschrift

Abdruck als:

Volltext

Sprache:

Latein

---

4668

Schässburg 1486 September 29 Der Rat von Schässburg bestätigt die Satzungen der dortigen Leineweberzunft.

[S. 457] Nos Michael Polnar magister civium, Petrus Rozner regius, Georgius Aurifaber terrestris iudices, magister Michael alias magister civium, Valentinus Pellifex villicus, Hieronimus Kalmisch, Ffranciscus Kalmisch, Georgius Hening, Caspar Kadar, Nicolaus Orthyl, Ambrosius arcium liberalium baccalaureus, Valentinus Pictor, Christophorus Textor, Michael Kwre, Paulus Meysem et Stephanus Cramp iurati cives civitatis Zegeswanensis tenore universorum volumus in notitiam devenire praesentium videlicet, quorum iuterest et singulorum, quod cum nos pariter constituti fuissemus in certis factis et negotiis civitatis expediendis, adiunctis nobis plurimis de communitate senioribus et potioribus in suis et singulorum totius communitatis nostrae personis, nostri e medio se erigens circumspectus vir Christophorus Textor nobis coniuratus consumpto sibi providis viris Thoma Gyger seniore, Valentino Textore, Caspar Textore, Petro Schoy et Georgio Gyger iuniore magistris cechae artificii artis linificum in suis omnium et singulorum eiusdem artis nostrae civitatis magistris supplicantes nobis humili et debita precum intantia, ut nos eiusdem reipublicae ac singulorum ipsius artificii propter commune comodum favorose annueremus, ut videlicet ipsi aliorum nostrae civitatis mechanicorum instar moreque et laudabili consuetudine retroactis temporibus salubriter introductis et observatis inter se institutionem, ordinationem et instaurationem literis et authenticis sigillis nostris, quibus fungimur, roborare et confirmare dignaremur. Nos vero auditis intellectisque talium magistrorum non aliud quam rationi consonum petere et effectare id sibi pleni modo assensu et favorali¹⁾ duximus unanimi nostri consulatus voto annuendum et consentiendum. Item primo statuerunt, qui in posterum praesentem cecham intrare voluerit et eiusdem libertatibus gaudere fruitque et uti desideraverit, obligatus sit cum florenis auri quinque et horum medietatem absque omni prorsus semota renitentia cechae exolvere et pagare quatuor nonas vini, quatuor talenta cerae, reliquas iuxta limitationem magistrorum deponere debet. Secundo statuunt, quod quilibet iuvenum volens studere idem artificium astrictus debet esse per annos doctrinales quatuor magistro suo obedienter servire iura cechae, exolvere debet videlicet florenos auri duos, quatuor talenta cerae. Tandem revolutis itaque annis doctrinalibus, ut in praemissis statuunt et volunt, quod nullus magistrorum eiusdem artificii ausus debet esse nonnullum iuvenem adipiscendum artificium infra unius anni spatium inclusive assummere debet. Si transgressus quis fuerit in byrsagio dictae cechae se noverit incursurum duorum florenorum auri. Si quis magistrorum haberet filium aut iuvenem annis subdoctrinalibus non ultra quam unum famulum tantum²⁾ pro pretio tenere sit liber. Similiter et nullus magistrorum nonnullum iuvenem absentibus senioribus nostrae cechae convenire debet. Si quis repertus fuerit prorsu, cechae deponere debet florenos auri unum. Item nullus magistrorum iuvenem non conventum ultra quatuordecem dies tenere audeat. Si in hoc [ex] ²⁾ cesserit quis magistris cechae tenetur, deponere florenos [auri unum] ²⁾. Item si quis contra cecham iustitiam insurrexerit nolletque corrigi illi famuli et fila alabritorum¹⁾ et omnes libertates huiusmodi cechae denegare debent quousque sese expugnaverit erga seniores de commissis. Item forte quis fuerit, qui sua ex temeritate et praesumptuositate czecham conservare²⁾ nollet²⁾ , non sit liber nisi quinta feria hora²⁾ nona²⁾ diei²⁾ ad³⁾ instar³⁾ aliarum nostrae civitatis cecharum, sui artificii necessaria. Eidem nichilominus pro civitatis usibus custodiis, vigiliis nocturnalibus in turribus ut alius incola cecha servans sit astrictus, non obstante etiam quacumque subterfugii excusatione. Item si qui fuerint eiusdem artificii linificum magistri in pertinentias nostrae civitatis commorantes debeant esse adstricti iura cechae hic nostri in medium praefatis magistris cechae et pro tempore existentes deponere mandatis licitis obtemperare et oboedientiam observare. Item [S. 458] postremo petunt similiter propter certos homines, ut tempore exposcente ipsis fiat salubris protectio ne dampna patiantur ex eorundem hominum emptione in civitate et in eiusdem pertinentiis. Instrumenta ipsorum texenda vulgo⁴⁾ garryn non sint liberi ultra quam duo ad maximum tria fila alabrorum vulgo⁴⁾ streng pro usu ipsorum domus comparare minime ultra attemptare queant. Item si quis hospitum in pertinentias nostrae civitatis sedes texendae¹⁾ habuerit cecham non servans, non sit liber instrumenta aliena fila alabrorum pro pretio texere nec in foro comparare, sed propria instrumenta a familia suis in artibus filata laborare et texere debeat et si repertus fuerit quis secus in limitatione dominorum civium et pro tempore existentium sit quam poenam infligi voluerint. Haec omnia et singula cum audivissemus et sane intelleximus unanimi voto talismodo¹⁾ artificii per magistros dictos fuisse institutum et ordinatum maturoque et praefatae cechae magistrorum consilio conclusum ac inviolabiliter et irrevocabiliter temporis tractu fore observandum praesentes literas nostras sigilli nostri maioris autentici subimpensione roboratas et confirmatas praefatis magistris linificum atque suis posteris eiusdem cechae magistris suorum iurium per aeviplena observatione duximus favorabiliter concedendas. Datis in Zegeswar feria sexta ipso die beati Michaelis archangeli, anno domini millesimo quadringentesimo octuagesimo sexto.


1) So Vorlage. [4x]^{^}
2) War im Original verblichen. Wenrich liest nach Analogie so. [6x]^{^}
3) Von anderer Hand über die verblichene Stelle geschrieben. [2x]^{^}
4) Vorlage wlgo. [2x]^{^}