Urkunde Nr. 4654 aus Band VII

Seite im UB:

442-443

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 435.

Druckvorlage:

nach Original

Abdruck als:

Volltext

Sprache:

Latein

---

4654

Klausenburg 1486 Juli 4 Der siebenbürgische Woiwode Stephan Báthori schaltet die Urkunden König Matthias' von 1486 Nr. »4632 und Nr. »4633 ein und beurkundet die vorgenommene Grenzbegehung zwischen Martinsberg und Nou Român wie folgt:

Quibus praesentatis praefati magistri Ladislaus et Stephanus¹⁾ nobis retulerunt hoc modo, quomodo ipsi feria tertia proxima post festum beati Barnabae apostoli²⁾ nunc praeteritum ad facies possessionis Saxonicali Mertersperg alias mons Martini vocati in comitatu Albensi existentis vicinis et commetaneis eiusdem universis inibi legitime convovcatis et praesentibus accedentes eandem possessionem Mertersperg a possessione nobilis Pauli Horwath Newdorff alias Uyfalw nuncupata in eodem comitatu adiacente vigore praescriptarum literarum regalium a sese et ab invicem hiis metis et signorum metalium distinctionibus separassent et distincissent. Quod primo incipiendo in loco Thewlghath vocato invenissent unam antiquam metam separantem dictas possessiones Mertersperg et Newdorff et Zazonhwz similiter regalem, qua renovata procedendo inter orientem et meridiem in parvo spatio pervenissent similiter ad antiquam metam quam similiter renovassent. Inde servata eadem plaga ulterius modi cum procedendo invenissent antiquam metam qua renovata girando ad plagam meridionalem in quodam beercz venissent ad antiquam metam quam modo simili renovassent. Abhinc per idem beercz descendendo versus plagam meridionalem in fine eiusdem beercz in vertice cuiusdam monticuli novam metam fecissent. Hinc descendendo versus plagam meridionalem ad vallem iuxta fluvium Marthonpathaka vocatum novam metam erexissent. Inde eundem fluvium ad dictam plagam meridionalem pertranseuntes in alia parte eiusdem fluvii novam metam erexissent. Abinde servata eadem plaga meridionali procedendo ad duas successive antiquas metas pervenissent, quibus renovatis longius ad eandem plagam meridionalem progrediendo in latere montis antiquam metam renovassent. Indique servata eadem plaga meridionali ad beercz ascendendo penes quandam viam graminosam antiquam metam reperissent, quam propter eius antiquitatem renovassent. Abinde descendendo ad eandem plagam meridionalem in latere montis antiquam metam renovassent. Hinc descendendo ad fluvium Aranypathaka vocatum eundemque fluvium pertranseuntes et directe ad praefatam plagam meridionalem pergentes pervenissent ad montem castri antiqui [S. 443] Aranwara nuncupati, in cuius montis vertice de loco castri versus plagam occidentalem antiquam metam invenissent quam renovassent. Ibique metas dictarum possessionum Mertersperg et Wyfalw terminassent. In quorum om-nium fidem et testimonium praemissorum praesentes literas nostras pendentis autentici sigilli nostri munimine roboratas ad petitionem praefatorum Thomae Altenbereger Cibiniensis et Michaelis Polnar Segesvariensis magistrorum civium nec non Stephani Kronar de Zazwaras, Petri Krich de Zaz Sebes iudicum regiorum ac Benedicti Carnificis, Laurentii Sartori, Iacobi Literati Cibiniensis, Stephani Magyarii de dicta Zaz Sebes civium Petri iudicis et Martini iurati civis de Alwyncz duximus concedendas. Datum in praefata civitate Colosvariensis feria tertia proxima post dictum festum visitationis virginis gloriosae, anno domini millesimo quadringetesimo octuagesimo sexto.


1) Scilicet Ladislaus de Doroghaza et Stephanus de Hassag. ^{^}
2) Juni 13.^{^}