Urkunde Nr. 4651 aus Band VII

Seite im UB:

436-437

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 478: Gemeindearchiv Sommerburg im Szeklerland (Primaria Comunei Jimbor), Nr. 1.

Druckvorlage:

nach Original

Abdruck als:

Volltext

Sprache:

Latein

---

4651

Klausenburg 1486 Juli 3 Der siebenbürgische Woiwode Stephan Báthori schaltet die Urkunden König Matthias' von 1486 Nr. »4632 und Nr. »4633 ein und beurkundet die Grenzbegehung zwischen Sommerburg und Satu Nou wie folgt:

Quibus¹⁾ praesentatis¹⁾ praefati magistri Ladislaus et Stephanus prothonotarii nobis retulerunt hocmodo, quomodo ipsi dominico die proximo post festum beatorum Viti et Modesti martirum nunc praeteritum²⁾ ad facies possessionis Sombor vocatae ad sedem Saxonicalem Kewhalom vocatam pertinentis vicinis et commetaneis eiusdem universis inibi convocatis et praesentibus accedentes eandem possessionem Sombor a possessione Siculorum Wyfalw nuncupata vigore praescriptarum literarum regalium a sese et ab invicem hiis metis et signorum metalium distinctionibus separassent et distinxissent: Quod primo incepissent in monte Chalabeercz vocato ubi a parte orientali in supercilio ipsius montis metam antiquam reprerissent. [S. 437] Abhinc ascendentes non longe metam reperissent, ulterius per eundem altius transeundo invenissent metam satis apparentem semper a parte orientali. Abinde tendentes semper ad eandem plagam orientalem per eundem montem satis in competenti spatio attigissent metam antiquam. Dehinc currentes adhuc per ipsum montem Chalabercz per longum spatium semper in eadem plaga orientali venissent ad antiquam metam. Ulterius non longe euntes metam antiquam reperissent. Dehinc in eodem monte amplius ad eandem plagam tendentes et non longe proficissentes venissent ad quandam metam. Deinde ulterius progredientes non longe incipissent in quandam magnam et communem viam per quam itur ad Brassoviam. In eademque progredientes semper ad plagam orientalem satis per longum spatium attigissent quandam vallem Chalo vocatam ubi dictae metae possessionum Sombor, Wyfalw et Okland finirentur. In quorum omnium fidem et testimonium praemissorum praesentes literas nostras pendentis autentici sigilli nostri munimine roboratas ad petitionem praefatorum Thomae Altemberger Cibiniensis et Michaelis Polnar Segeswariensis magistrorum civium necnon Stephani Kronar de Zazwaras, Petri Krich de Zazsebes iudicum regiorum ac Benedicti Carnificis, Laurentii Sartoris, Iacobi Literati Cibiniensium, Stephani Magyary de dicta Zazebes civium, Petri iudicis et Martini iurati civis Allwyncz duximus concedendas. Datum in praefata civitate Colosswariensi, feria secunda proxima post dictum festum visitationis virginis gloriosae Mariae, anno domini millesimo quadringentesimo octuagesimo sexto.


1) Verlängerte Schrift. [2x]^{^}
2) Juni 18.^{^}