Urkunde Nr. 4644 aus Band VII

Seite im UB:

426-427

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 37 066.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4644

Ofen 1486 Juni 2 König Matthias beauftragt den siebenbürgischen Woiwoden Stephan Báthori, die Klagen der Adligen von Lupşa gegen den Hermannstädter Bürgermeister Thomas Altemberger zu untersuchen und die Streitsache zu entscheiden.

Mathias dei gratia rex Hungariae, Bohemiae et cetera fideli nostro manifico comiti Stephano de Bathor, iudici curiae nostrae ac vaivodae partium regni nostri Transilvanarum salutem et gratiam, Conqueruntur fideles nostri nobiles Nicolaus, Stephanus et Mathias de Lwpsa adversus circumspectum Thomam Althemberger, magistrum civium civitatis nostrae Cibiniensis. ratione occupationis duarum possessionum ipsorum utrarumque videlicet Lwpsa hiis superioribus diebus per ipsum magistrum civium absque legitima causa et ratione ac contra iura ipsorum factae supplicaruntque sibi per nos circa id opportune subveniri. Nos igitur nolentes ipsos Nicolaum, Stephanum et Mathiam absque meliori rationum suarum cognitione iuribus suis tam simpliciter privari, causam ipsarum duarum possessionum inter praefatos exponentes ac dictum magistrum civium de novo et debito modo revidendam, examinandam et sententialiter concludendam vobis duximus committendum et committimus per praesentes mandantes fidelitati vestrae firmiter, ut acceptis praesentibus postquam ad illas partes Transsilvanas intraveritis protinus ad unum certum terminum et locum praefatum magistrum civium vestri in praesentiam convocatis, ubi et quando etiam praefati exponentes cum eorum iuribus et documentis comparere tenebuntur atque auditis ipsorum novis propositionibus, allegationibus et responsis, visis etiam ipsorum iuribus inter easdem in facto dictarum duarum possessionum ac etiam aliarum rerum, si quae propositae fuerint, iudicium et [S. 427] iustitiam facere debeatis, atque idquod iudicando decreveritis debitae executioni demandari faciatis nostra praesentibus vobis in hac parte attributa ac vestra iudiciaria auctoritate mediante. Aliud nullo modo facturi. Praesentibus perlectis exhibentibus restitutis. Datum Budae feria sexta proxima post octavas festi sacratissimi Corporis Christi, anno eiusdem millesimo quadringentesimo octuagesimo sexto.