Urkunde Nr. 4639 aus Band VII

Seite im UB:

423-424

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. D D Nr. 1.

Druckvorlage:

nach Original

Abdruck als:

Volltext

Sprache:

Latein

---

4639

Wissegrad 1486 Mai 17. ^a) König Matthias ordnet auf Ersuchen der Klausenburger Bürgerschaft an. dass Streitigkeiten mit den die Märkte der Stadt aufsuchenden Adligen vor dem Woiwodal- und nicht dem Adelsgericht ausgetragen werden.

Von der Kanzlei: Commissio propria domini regis,

Nos Mathias dei gratia rex Hungariae. Bohemiae et cetera memoriae commendamus tenore praesentium quibus expedit universis, quod fideles nostri prudentes et circumspecti Ambrosius Sartor iudex et Laurencius Eppel iuratus civis civitatis nostrae Koloswariensis. nostrae maiestatis accedentes in conspectum. in suis ac ceterorum civium et communitatis loci eiusdem nominibus et personis exponere curaverunt maiestati nostrae. qualiter ipsi per nobiles et alios possessionatos homines illarum partium, graves iniurias, praeiudiciaque et nonnunquam etiam dampna non modica sustinerent in eo videlicet quod praefati nobiles et ceteri possessionati homines tam ad fora ac nundinas quam etiam alias temporibus mediis. in ipsam civitatem nostram ingressi ad eisdem res ipsorum de pretio earundem conventione facta in credentiam et fidem levare et nonnunquam etiam pecuniam similiter in fidem recipere soliti essent, Tandem vero cum aut ad restitutionem pretii huiusmodi rerum receptarum aut ad exolutionem pecuniarum levatarum requirentur multas facerent dificultates et superfugia allegantes se esse regni nobiles et si quibus deberent aut obligarentur velle in sede iudiciaria nobilium et non alias iuri astare et creditoribus suis respondere. per quod pauperes ipsi populares saepius et rem et pecuniam suam vel negligerent vel per simplicitatem amitterent. Supplicarunt igitur praefati Ambrosius iudex et Laurencius Eppel maiestati nostrae suo et aliorum quorum supra nominibus. ut eisdem superinde provisione debita succurrere dignaremur, Nos igitur iustitia imprimis moti. deinte etiam ut facilius indempnitati ipsius civitatis nostrae et eiusdem incolarum consulatur, eisdem id ex gratia nostra speciali annuendum duximus et concedendum. annuimusque et concedimus per praesentes. ut a modo deinceps si quispiam¹⁾ nobilium aut aliorum quorumcumque hominum in ipsa civitate nostra. sive in emptionibus. sive alias utcumque. quaecumque debita contraxerit, requisitusque solutionem de creditis facere non curaverit et tunc creditor huiusmodi continuo suam causam ad fidelem nostrum magnificum comitem Stephanum de Bathor vaivodam aut eiudem vicevaivodae partium regni nostri Transsilvanarum et futuri huiusmodi debitorem ad primam simplicemque talis creditoris querimonium sui in praesentiam convocare atque eidem et parte illius. summarariam breveque iudicium et iustitiam iuxta proposita et probata facere ac prout iuris rationisque ordo dictaverit plenariam satisfactionem [S. 424] nostra in hac parte praesentibus eisdem attributa ac sua iudiciaria auctoritatibus et iustitia mediante. possint debeantque et teneantur exhibere. Quod ut suo modo exequantur praefato comiti Stephano de Bathor waydae²⁾ moderno futurisque waydis²⁾ et eorum vivewaydis ac oficialibus firmius iniungimus harum nostrarum vigore et testimonio literarum mediante. Datum in Wysegrad feria quarta proxima ante festum sanctae trinitatis anno domini millesimo quadringentesimo octogesimo sexto, regnorum nostrorum Hungariae et cetera anno vigesimo nono, Bohemiae vero decimo septimo.

Auf der Rückseite gleichzeitig: Quod debitores³⁾ nobiles pro creditores coram weyvoda²⁾ convenientur in causam et non sedes nobilium,


a) Ausstellungsort im UB als: Plintenburg/Visegrád.^{^}

1) Vorlage quipiam. ^{^}
2) So Vorlage. [3x]^{^}
3) Gebessert aus creditores. ^{^}