Urkunde Nr. 4636 aus Band VII

Seite im UB:

420-421

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 779 - Abt. 17: K. A. Schönberg [Parohia Ev. CA Dealul Frumos], Nr. 1.

Druckvorlage:

nach Original

Abdruck als:

Volltext

Sprache:

Latein

---

4636

Agnetheln 1486 Mai 15 Der Rat und die Altschaft des Marktes Agnetheln und die Altschaft von Schönberg schliessen ein Übereinkommen über die Benützung von Wäldern, Sümpfen und eines Fischteiches.

Petrus Faber villicus, Benedictus Greb, Egidius Detrici iuratus sedis, Johannes Swb, Anthonnes Heltner, Johannes Bwdner, Nicolaus Roettel, Anthonius Sthwrm, Simon Theyl, Georgius Alexii, Martinus Sutor, Michael German et Valentinus Greb iunior ceterique cives iurati et seniores in totius communitatis persona de Oppido Wallis Agnetis nuncupato ab una, item Anthonius Lewpricht villicus, Johannes Greb, Anthonius Vornengel, Iacobus Goebel, Paulus Sneyder, Bartholomeus Herbart, Anthonius Hennel et Andreas Simon seniores in totius communitatis persona villae Pulcrimontis nuncupatae parte ab altera memoriae commendamus tenore praesentium significantes quibus incumbit universis, quod cum certis ex causis et rationabilibus nos mutuo nemorum silvarumque et piscinarum ratione nostris in territoriis existentium tangentibus, de quibus lites, guerrae rixaeque et dissensiones nostri in medio oriri potuerunt possentque etiam de praesenti immo et in futurum. Quare dictis litium guerrarumque et dissensionum materiis tum¹⁾ propter bonum vicinitatis favorem hactenus pro semper temporibus [S. 421] et locis opportunis inter nos observatum, tum propter commodum utrarumque partium et utilitatem conservandam¹⁾ obviare, cupientes, talem inter nos et dictas communitates de [earundem]²⁾ communitatuum consensu et assensu universorum ac singulorum hospitum, incolarum commansionariorumque hominum in utraque parte commorantium concordiam facimus et praeterordinamus, quod nullus quispiam dicti oppidi de Walle Agnetis commansionatorum hominum aliquas silvas [nec non sil]²⁾varum ac nemorum arbores in quacumque parte territorii priustactae villae de Pulcromonte existentes, per eos prohibitas ac sequestratas furtim incidere, deducere et deportare audeat, neque praesumat modo aliquali. Et casu si, quod absit, talis nostrae dispositionis ac ordinationis transgressor nostri in medio repertus fuerit ac inventus, poenam ab utrisque partibus hominum de supradictis silvis et arboribus [incidendis]³⁾ impositam, utpote duorum florenorum auri unum ipsis de oppido, alium vero de Pulcromonte hominibus irremissibiliter sibi infligendam noviter se in causam [ ]²⁾ incurrere se agnoscat ac scire debeat indubitanter, similiter vice replicata. Et ipsi villicus, seniores et universi hospites dictae villae Pulcrimontis piscinam superius piscinae nostrae in metarum plaga et territorii nostri utpote Blochstel nuncupata situatae et fundatae, praeparare ac fundare ripam aut flumen in territorio ipsorum prohibendum apud se et alios quosvis vicinos [ipsorum]²⁾ et commetaneos tenere et conservare conclusareque debeant et teneantur taliter. Et adeo, ut [nobis]²⁾ nostrisque iuxta cusstodiae ipsorum possibilitatem nostram in piscina ibidem pro tempore situata quicquam damnum per eos ac alios convicinos eorum quoscumque fieri videatur ac inferre possit. Si quis vero ex ipsis vel eorum commentaneis aut etiam nostris in dicta territorii ipsorum plaga nobis sic per eos assignata piscari deprehensus fuerit, poena utpote in die unius marcae argenti fini, nece vero capitis amissionisque omnium bonorum suorum mulctari sciat se irremissibili[ter inili]²⁾gendum. Tali tamen etiam postremo conditione annexa, quod omni cum ipsi hospites seu incolae dictae villae de Pulcromonte dictam ipsorum piscinam piscari vellent seu intenderent per se vel per alios, extunc ipsi de oppido aquas ipsorum in piscina ut quiequam obstaculi seu impedimenti usque ad territoriorum dictorum metas iterum in dicta piscatura esse valeat neque existere possit, minuere ac emi[ttendo]²⁾ effluere debeant et teneantur omnibus modis almasiaque pro nostrae dispositionis et [ordinationis]⁴⁾ firmitate ac robore ex utrisque dictarum communitatum partibus per circumspectum Stephanum German commansorem priustacti oppidi in domo memorati Petri Fabri villici exorcisata, data et assignata ad infringibiliter al[ ]⁴⁾ et inconcusse, harum literarum nostrarum oppidi dicti sigillo appendenti ac munimine [autentico]⁴⁾ roboratarum vigore et testimonio mediante. Datum et actum [in priustacto oppido]⁵⁾ Wallis Agnetis feria secunda proxima post Pentecostes festum, anno incarnationis dominicae millesimo quadringentesimo octuagesimo sexto.


a) Im UB Abbildung des Siegels des Marktes Agnetheln auf Tafel IV, Bild 3, unten als »Abb. ^{^}

1) Über der Zeile. [2x]^{^}
2) Lücke 10 mm. [7x]^{^}
3) Lücke 19 mm.^{^}
4) Lücke 15 mm. [3x]^{^}
5) Verwischt 35 mm.^{^}

Abb.