Urkunde Nr. 4631 aus Band VII

Seite im UB:

417-418

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Zünfte [Colecţia Bresle] (Inventar 784-786), mittelalterliche Sammlung Nr. 11.

Druckvorlage:

nach Original

Abdruck als:

Volltext

Sprache:

Latein

---

4631

1486 April 2 Der Rat von Klausenburg bestätigt die Satzungen der dortigen Seilerzunft.

Cum infinita sit mentium labilitas humanarum oblivionis frequentius<fnz>1)</fnz > vora gine mersa, adeo ut quaeque pro incolumitate atque reformatione reipublicae tractatur in tempore succedentium more solito fluctuetur a memoria et ne oblivio suis exorbitationibus vim dinoscat aliquam, praeclara hominum sagacitas gestarum sic rerum seriem scripti patrocinio adinvenit rato moderamine communiri sempiterna pro memoria. Quamobrem nos Ambrosius Zabbo iudex iuratique consules civitatis Coluswariensis tenore praesentium significamus quibus incumbit universis quod cum nobis in nostri senatus consistorio invicem existentibus providi Martinus, Lucas, Stephanus, Johannes, alter Stephanus, Paulus, artis funificiae magistri ac aliorum succedentium personaliter coram nobis constituti qui unius vocis consonantia fassi sunt hoc modo: Quod quamquam temporibus diurnis pariter contentionis materia inter ipsos magistros eorum artificeorum extra consortium ipsorum existentium occasione rebelionis et contumatii<fnz>2)</fnz> exorta plerumque sibi invicem iniuriati fuissent ex eo quod contra decreta et statuta iuriumque artis praedictae verum etiam victuum et proventuum ipsorumque desolationem et ruinam non parvum generasset tamen divina volente clementia spiritu saniori inducti ob continuae dilectionis affectum virtutumque suarum excellentem quandam inter se mutuam decrevissent subordinationem perpetuis temporibus valituram et duraturam ipsamque in quadam carta papirea certis articulis superinde singillatim conscriptam et confectam quae infra inserta legentur apertius demonstrabit, petentes nos debita cum instantia ut de remedio providere dignaremur opportuno eandem dispositionem ratam atque gratam acceptaremus consensumque nostrum ad id<fnz>3)</fnz> adhiberemus benevolum<fnz>4)</fnz> et tandem iuxta seriem articulorum literis nostris privilegialibus roborare et confirmare dictique cechae grate conferre cuiusquidem dispositionis series sequitur. Primo<fnz>5)</fnz> si quipiam in consortio ipsius cechae ingredere voluerit aut gradum magisterii optaverit, extunc talis sit uxoratus et concivis huius civitatis et super propagatione seu procreatione ipsiusque [S. 418] regimine atque annis disciplinae artem a quo didicit et si pro informatione suae artis satis fecit famatoria pro ut moris est offerre et producere teneatur idemque in subsidium eiusdem cechae florenos quatuor auri, quatuor libras cerae, unum prandium et unam urnam vini dare debeat et teneatur infra mensem. Item<fnz>5)</fnz> hominum quicumque de partibus alienis canapum pro usu magistrorum praefatorum gratia venditionis portaverit magistrorum neuter pro se emere audeat oculte sed rebus emptis universi convocentur magistri quibus res debeat empta ubi inter se sortientur divisione; qui si magistrorum rem modo praemisso emptam ocultaverit hic duas libras cerae debeat exolvere nec talium rerum percipiat participationem. Item<fnz>5)</fnz><fnz>si magistrorum quis in seductione alicuius famuli sufficienti documento fuerit repertus, talis magister occasione seductionis vel contra cecham quoquomodo egerit decem libras cerae exolvere teneatur eo facto nec famulum seductum aput se teuere queat neque praesumpmant. Item adolescentum vero aut parvulorum siquis artem expressam gratia eruditionis studio se annexerit et aliquo magistro se obtulerit, hic cum suo magistro conveniat coram duobus magistris cechae ad minus et quatuor integris annis post invicem se sequentibus diligenter eidem famulaturus denique in subsidium cechae florenos duos et duas libras cerae comprestet sique carebit locet fideiussorem. Item nemo gratia mercaturae aut lucri laqueos vulgo istrang maiores neque minores hanc ad vendendum tempore intermedio portare audeat civitatem nam si qui attemptaverit magistri cecharum auxilio iudicis occupent et ad debitum exponant usum, nihilominus ipsi magistri cecharum pro tempore constituti tam extraneorum quam civitatensium tempore nundinibus labores circumspicere, falsos emendare immo iudiciaria auctoritate occupare igneque consumere habeant facultatem. Item laqueos magnos ad montana salium omnes magistri cecharum aequalibus expensis et laboribus perficiant; insuper adiecimus ut cum sociorum aliquis relictam sibi matrimonialiter alicuius magistri defuncti duxerit in coniugem et ipse eandem consequitur artem quam maritus consequabatur relictae talis medium narratarum iurium dumtaxat pro redemtione magisterii comprestet et eodem iure filii utantur magistrorum, relicta vero eiusdem artis duos integros annos artem ipsam laborare valeat nec citra. Nos itaque iustis et condignis petitionibus praefatorum magistrorum inclinati praescriptas ordinationes cum suis articulis expressis animo deliberato ac communi voluntate acceptamus, ratificamus ac approbamus perpetuo valituras confirmamus. In cuius rei memoriam firmitatemque perpetuam praesentes literas nostras privilegiales pendentis et autentici sigilli nostri maioris roboratas eisdem duximus concedendas. Datum in octava Pasca, anno domini millesimo quadringentesimo octogesimo sexto.

Unten rechts: Laurentius Reynhart, notarius in praemissis.

<fnzt>1) Bis hierher verlängerte Schrift.</fnzt> <fnzt>2) Vorlage contumaci. </fnzt> <fnzt>3) Vorlage hyd. </fnzt> <fnzt>4) Vorlage beniuolum.</fnzt> <fnzt>5) Kleinere verlängerte Schrift. [3x]</fnzt>