Urkunde Nr. 4622 aus Band VII

Seite im UB:

411-412

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 429.

Druckvorlage:

nach Original

Abdruck als:

Volltext

Sprache:

Latein

---

4622

Ofen 1486 Februar 6 König Matthias unterstellt die Bewohner der von Clara, der Witwe nach Gräf Peter von Rothberg der Hermannstädter Marienkirche vermachten Besitzung Petersdorf und einiger Besitzportionen in Rosch der Gerichtsbarkeit der Sieben Stühle.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod os accepta supplicatione nobilis et circumspecti Thomae Altemperger magistri civium civitatis nostrae Cibiniensis per ipsum maiestati nostrae facta, volentes denique commoditati ecclesiae beatae Mariae virginis in ipsa civitate nostra fundatae consulere et providere, quandam possessionem Petri dictam cum aliquibus sessionibus possessionis Rawas in comitatu Albensi per nobilem dominam Claram relictam condam Petri de Weresmarth de consensu et beneplacita voluntate nostra ipsae ecclesiae beatae Mariae virginis in testamento legatam et commissam consequenterque populos et incolas pro tempore in eisdem commorantes ab omni iudicio, iurisdictione et iudicatu vaivodae vel vicevaivodae Transsilvanensium ac comitum vel vicecomitum praefati comitatus Albensis aliorumque cunctorum iudicum partium illarum regni nostri Transsilvanensum, item ab omni connumeratione atque solutione taxarum collectarum nec non exercituatione, excubiis vigiliisque ac ceteris quibuscumque oneribus quibus hactenus in medium universitatis nobilium illarum partium aut eorundem iobagionum astricti et obligati fuissent, duximus eximendos et libertandos ipsos iudicio et iurisdictioni ac potestati magistri civium Cibiniensis et iudicum septem sedium Saxonicalium instar aliarum villarum ad eandem ecclesiam pertinentium integraliter reservando immo eximimus et libertamus praesentium per vigorem. Quocirca vobis fidelibus nostris vaivodae vel vicevaivodae Transsilvanensi ac comiti vel vicecomiti praefati comitatus Albensis, cunctis etiam aliis iudicibus partium illarum pro tempore constitutis harum serie strictissime mandamus, quatenus a modo imposterum praefatam possessionem [S. 412] Petri consequenterque populos et incolas in, sessionibus ad eandem pertinentibus commorantes ad nullius instantiam iudicare vel astare iudicatui atque ad solutionem praemissarum taxarum collectarum, nec non exerci tuationem excubiasque et vigilias faciendas contra formam praemissae nostrae exemptionis artare et compellere audeatis quoquomodo. Si qui enim aliquid actionis contra ipsos populos aut eorum alterum habere se praetendunt, hi id in praesentia eorundem magistri civium Cibiniensis ac ceterorum iudicum dictarum septem sedium Saxonicalium, quorum scilicet intererit, iuridice prosequantur. Praesentes autem post earum lecturam semper reddi mandamus praesentanti. Datum Budae in festo beatae Dorotheae virginis et martiris, anno domini millesimo quadringentesimo octoagesimo sexto, regnorum nostrorum Hungariae et cetera anno vigesimo octavo, Bohemiae vero decimo septimo.