Urkunde Nr. 4585 aus Band VII

Seite im UB:

381-382

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 417.

Druckvorlage:

nach Original

Abdruck als:

Volltext

Sprache:

Latein

---

4585

Hermannstadt 1485 Januar 18 Der öffentliche Notar Paulus Petri von Rosenau bezeugt, dass Clara, die Witwe des Königsrichters Petrus Gref, ihre Besitzung Petersdorf, das Prädium Repafalwa und ihre Besitzanteile in Rosch der Hermanstädter Marienkirche vermacht hat.

In nomine domini amen. Anno a nativitate eiusdem millesimo quadringentesimo octogesimo quinto, indictione tertia, die vero Martis quae fuit decima octava mensis Ianuarii, hora nonarum vel quasi¹⁾, in stuba²⁾ domus²⁾ habitationis virtuosae dominae Clarae relictae quondam egregii viri Petri Gref, iudicis regii civitatis et sedis Cibiniensis, in³⁾ eadem³⁾ civitate³⁾ habita³⁾, iurisdictionis Strigoniensis, pontificatu sanctissimi in Christo patris et domini domini Sixti⁴⁾ divina³⁾ providentia³⁾ papae octavi anno ipsius⁵⁾ primo in mei publici³⁾ notarii³⁾ praesentia testiumque infrascriptorum personaliter consti-[S. 382] tuta praedicta⁶⁾ domina Clara licet aegra⁷⁾ corpore per omnia tamen sana⁸⁾ in mente ac⁹⁾ plenum usum habens rationis per modum protestationis et fassionis vivae vocis alto et intellegibili oraculo elocuta est in hunc modum. Quia mortalis sum igitur¹⁰⁾ fui pridem animo bene deliberato de consensu et voluntate filiorum meorum in praetorio dictae civitatis Cibiniensis personaliter constituta coram venerabili¹¹⁾ egregiis ac providis dominis Iohanne plebano parochialis ecclesiae beatissimae¹²⁾ virginis¹³⁾ Mariae eiusdem³⁾ civitatis³⁾, magistro Thoma, magistro civium¹⁴⁾, ac iudicibus et iuratis civibus pluribusque aliis³⁾ de³⁾ communitate sedis³⁾ et³⁾ dictae civitatis Cibiniensis³⁾ iudici aliter³⁾ ibidem³⁾ congregatis³⁾ tunc obtuli, dedi ac donavi possessiones meas Peterfalwa et praedium Repaffalwa penes sese invicem prope¹⁵⁾ iacentes¹⁵⁾ portionesque¹⁶⁾ sessionales in possessione Rowass me³⁾ concernentes³⁾ in comitatu Albensi habitas cum omnibus suis pertinentiis, emolumentis, fructibus et³⁾ proventibus³⁾ quibuscumque nominibus vocitentur¹⁷⁾ ecclesiae beatae virginis praefatae perpetuo iure possidendas, tenendas pariter⁸⁾ et habendas¹⁸⁾ omne quoque ins quod in eisdem dinoscor habere ipsi ecclesiae resignans. Sic et modo praedictas oblationem, dationem et donationem ac resignationem mea ultima voluntate ac testamentali ac salubri confirmatione ratifico et roborans ratas habere volo irrevocabiliter pro dei honore eiusdemque intemeratae genetricis gloriosissimae virginis Mariae et pro salute animae meae praedecessorumque meorum. Petivitque instanter³⁾ ipsa domina Clara, quod¹⁹⁾ super praemissis omnibus unum²⁰⁾ vel plura²⁰⁾ secundum quod opportunum fuerit conficerem publicum seu publica instrumenta, quod et feci officio meo id incumbente²¹⁾. Acta sunt haec et facta²²⁾ anno, indictione, die, mense, hora, loco, pontificatu praenotatis. Praesentibus ibidem honorabilibus dominis magistro Paulo de Helta canonico ecclesiae Transsilvanae, magistro Michaele de Helta, Iohanne de Neppendorff, Caspar de Visakna,Stephano de Tolmach, Iohanne de Hanybach ecclesiarum plebanis, Emerico de Helta ibidem praedicatore aliisque quam pluribus fidedignis testibus ad hoc vocatis et rogatis.

(Notarzeichen). Et ego magister Paulus de Roznav clericus Strigoniensis diocesis publicus imperiali auctoritate notarius quia praemissis omnibus et singulis dum sic ut praemittitur fierent et agerentur, una cum praenominatis testibus praesens personaliter interfui eaque omnia et singula sic vidi fieri pariter et audivi. Idcirco hoc instrumentum in hanc publicam formam redegi nomine et signo quoque meis solitis et consuetis roborari in fidem et testimonium rogatus et legitime requisitus omnium et singulorum praemissorum. [S. 383]


1) U II 416 quasi nona. ^{^}
2) U II 416 domo. ^{^}
3) U II 416 fehlt. [23x]^{^}
4) Richtig Innocentii wie U II 416.^{^}
5) U II 416 eius. ^{^}
6) U II 416 ipsa. ^{^}
7) U II 416 infirma. ^{^}
8) U II 416 valida. ^{^}
9) Von hier bis quia in U II 416 compos rationis proprii oris ministerio protestando fassa est in hanc formam. ^{^}
10) Von hier bis praetorio in U II 416 pertractata, ruminata et praemeditata ac filiorum meorum consensu ad honorem omnipotentis dei animaeque meac salute quemadmodum pridem cum in. ^{^}
11) U II 416 honorabili. ^{^}
12) U II 416 gloriosae.^{^}
13) U II 416 et matris. ^{^}
14) U II 416 Hierauf Georgio Sneyder vitrico. ^{^}
15) U II 416 existentes. [2x]^{^}
16) U II 416 portiones meas hereditarias. ^{^}
17) U II 416 censeantur. ^{^}
18) Von hier in U II 416 omnibus impedimentis et contradictionibus semotis ita et nunc praefatas oblationem, datum et donationem roboro salubriter atque testamentali et ultima mea voluntate et confirmatione ratifico ratasque perpetue volo habere. ^{^}
19) U II 416 ut sibi. ^{^}
20) U II 416 publicum vel publica. [2x]^{^}
21) U II 416 requirente. ^{^}
22) Von hier in U II 416 in stuba domus habitationis praefatae dominae in eadem civitate Cibiniensi. ^{^}