Urkunde Nr. 4582 aus Band VII

Seite im UB:

380

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. T Nr. 64.

Druckvorlage:

nach Original

Abdruck als:

Volltext

Sprache:

Latein

---

4582

Klosterneuburg 1485 Januar 6 König Matthias widerruft auf Ersuchen der Sieben und Zwei Stühle seine erst kürzlich gefällte Entscheidung betreffend die Verlegung der Zollstelle von Fughiu nach Vadu Crişului.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quodlicet nos superioribus diebus ad supplicationem fidelis nostri egregii Bartholomei Dragfy de Belthewk, maiestati nostrae propterea porrectam eidem id gratiose annuerimus et concessimus ut ipse tributum suum in possessione quorundam nobilium Ewdy vocata in comitatu Bihoriensi habita exigi solitum pro maiori sua et officialium suorum quietudine ad possessionem suam propriam Rew vocatam in eodem comitatu Bihoriensi habitam transferre ac ubi eidem competentius videbitur rotam in signum exactionis huiusmodi tributi erigere tributumque iustum et consuetum perpetuis semper successivis temporibus sine tamen praeiudicio tributorum et iurium aliorum ab omnibus viatoribus et negotiatoribus eo venientibus exigere valeret atque posset. Tamen ut ex querelis fidelium nostrorum universorum Saxonum septem et duarum sedium Saxonicalium partium regni nostri Transsilvanarum potissimum civium et inhabitatorum civitatis nostrae Coloswariensis intelleximus, quod ipsi in dicta possessione Rew ad quam scilicet tributum praescriptum fuisset translatum temporum in successu sentirent se mutipliciter gravari ac maximum damnum et gravamen eis posse imminere. Unde nos considerantes hanc ipsam concessionem nostram et annuentiam in aliorum incomoda redundare accepta eorundem fidelium nostrorum suplicationem eandem ipsum annuentiam nostram et concessionem quam superinde feceramus et quam vigore certarum aliarum literarum nostrarum sub anulari sigillo nostro confectarum etiam nuper revocavimus rursus et de novo revocandum duximus et retractandum decernemus, ut tributum praescriptum in loco pristino possessione scilicet Ewdy in qua ab antiquo exigi solitum fuerat deincepsque exigatur. Immo revocamus, retractamus et determinus harum nostrarum secreto sigillo nostro consignatarum vigore et testimonio literarum mediante. Datum in Neuburga Claustrali in festo Epiphaniarum domini, anno eiusdem millesimo quadringentesimo octogesimo quinto, regnorum nostrorum anno Hungariae et cetera vigesimo tertio, Bohemiae vero sextodecimo.