Urkunde Nr. 4571 aus Band VII

Seite im UB:

367

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 51.

Druckvorlage:

nach Original

Abdruck als:

Volltext

Sprache:

Latein

---

4571

Breţcu 1484 Juli 18 Der siebenbürgische Woiwode Stephan Báthori ersucht den Hermannstädter Bürgermeister Thomas Altemberger, ihm ungesäumt weitere Geldmittel zum Weitertransport der Geschütze zu schicken.

Egregie amice noster dilecte. Nostis quemadmodum regia maiestas suis literis mediantibus vobis demandat, ut vos eas quae vobis facienda dixerimus facere deberetis. Bene igitur vobis constat, quam et qualiter informationem in facto bombardarum pridie vobis dederimus qualique modo vobiscum disposuerimus, ut videlicet vos bombarda illa tali ordine tantisque pecuniis dimitteretis, ut in deferendo ipsas bombardas aliqualis non fieret defectus. Dixeramus etiam vobis et cum ipsis pixidibus hominibusque illas deferentibus certum hominem vestrum mitteretis, et idem pecunias per vos ad id datas exponeret, vos autem hiis non curatis ad triginta sex equos hominesque ad id deputatos scilicet carpentarios cum illis existentes solum viginti quinque florenos dedistis et illos magistro Iohanni exponere commisistis nec hominem vestrum cum ipsis dimisistis. Quomodo igitur sufficiunt tantae pecuniae ad tot et tantos equos et homines talemque viam. Sane duo floreni quottidie ex facili exponuntur, nam et hactenus certae rotae confractae sunt, ad quas semper expensas facere oportet. Quid autem faciendum erit in via graviori? Cur ergo mandata regia tam levi pretio pensatis? Nonne ex hoc facta regia admodum turbantur? Scitis enim quod non vos ad nos, sed regia maiestas ad sua facta per vos suas expensas facit. Idcirco dilectionem vestram praesentibus requirimus et in persona regia committimus vobis, quatenus acceptis praesentibus per unum certum hominem vestrum tot et tantas pecunias transmittatis, ut in deferendo ipsas bombardas aliqualis non fiat defectus et idem homo vester ipsas pecunias exponat et si quae ex ipsis pecuniis remanserint, poterit ille vobis reportare. Et secus si gravem indignationem regiae maiestatis evitare cupitis, speramus non facetis. Datum in Bereczky die dominico proximo ante festum beatae Mariae Magdalenae, anno domini et cetera LXXX quarto.

Comes Stephanus de Bathor,
iudex curiae regiae vaivodaque Transsilvanus et cetera.

Auf der Rückseite Adresse: Egregio magistro Thomae Althemberger magistro civium civitatis Cibiniensis, amico nostro dilecto. [S. 368]