Urkunde Nr. 4566 aus Band VII

Seite im UB:

362-364

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

4566

Hermannstadt 1484 Juni 20 Der siebenbürgische Woiwode Stephan Báthori ersucht den Konvent von Kolozsmonostor, bei Untersuchung der Klagen der Adligen Sigismund und Ambrosius de Moha gegen Nicolaus de Petheny wegen eines an die Orte Schaas, Trappold und Meschendorf znr Viehtränke pachtweise vergebenen Fischteiches mitzuwirken.

Amicis suis reverendis conventui ecclesiae de Kolosmonostra comes Stephanus de Bathor, vaivoda Transsilvanus necnon iudex curiae serenissimi principis domini Mathiae, dei gratia regis Hungariae, Bohemiae, Dalmatiae, Croatiae et cetera amicitiam paratam cum honore. Dicitur nobis in personis nobilium Sigismundi et Ambrosii de Moha, quodlicet ipsi circa festum penthecostes cuiusdam annualis praerisset [ ] ¹⁾ cum populis et inhabitatoribus villarum Segesd et Apold ac Mese in sede Saxonicali Segeswar vocata existentium et habitarum²⁾ talem fecerint dispositiones, quod ipsi populi villarum praedictarum pecudes et pecora eorum per totam aestatem proxime praeteritam in piscina dictorum exponentium intra metas dictae possessionis Moha in comitatu Albensi existente habita adaquarent et propterea iidem populi dictarum villarum Segesd et Apold de unaquaque earum unum unum³⁾ vas vini et singulos tres cubulos farinae eisdem exponentibus, populi autem dictae villae Mese ad negotia et labores eorundem exponentium de unaquaque domo unum unum³⁾ hominem operarium quoad unum diem dare er mittere debuissent. Tamen circa festum sacratissimi corporis Christi tunc immediate sequentem nobilis Nicolaus de Pethen sine voluntate et annuentia eorum exponentium tam dicta vasa vinorum quam cubulos farinae praedictos a praefatis populis dictarum villarum Segesd et Apold ad se et domum suam in eadem Moha sitam deportari fecisset, homines etiam operarios per villanenses de dicta Mese datos pro se ad metendas fruges et defalcanda foena tempore suo conduxisset in quibus praemissis ipsis exponentibus quinquaginta florenorum auri dampna intulisset potentia mediante. Ceterum circa [S. 363] festum beati Jacobi apostoli proxime praeteritum⁴⁾ idem Nicolaus de Pethen de voluntate et instigatione nobilis dominae Dorotheae consortis suae missis et destinatis Valentino Zekeres, Andrea Merche, Matheo Benkeu, Valentino Karman et Petro Zaz ignobilibus familiaribus et discreto Gregorio capellano suis ad dictam piscinam ipsorum exponentium eandem depiscari et pisces deprehensos quo suae placuisset voluntati fecisset potentia mediante, quae idem exponentes pro centum florenis auri pati non voluissent. Demum circa festum beati Michaelis archangeli proxime praeteritum⁵⁾ idem Nicolaus Petheny similiter de instinctu dictae dominae Dorotheae consortis suae unum par caligarum unum florenum valentem et quaedam ornamenta canirsie de sericis consueta vulgariter hym dicta duos florenos valentes, decem et octo nodulos argenteos tres florenos valentes et unum par ocrearum quinquaginta denarios valentes datos et assignata pro se retinuisset, nec eos et ea eidem Ambrosio exponenti ad plurimas suas petitiones restituere curavisset, prout recusaret et de praesenti, eadem erga se conservando potentia mediante. Insuper in aestate proxime praeterita idem Nicolaus Petheny de voluntate et instigatione praefatae dominae Dorotheae consortis suae de domo et curia eiusdem exponentis in eadem Moha habitis quatuor pecora eiusdem Ambrosii exponentis septem florenos auri valentes ad domum et curiam suam propriam in saepefata Moha sitas abigi et depelli et ea ibidem mactari fecisset et in usum suum convertisset potentia mediante, etque in anno cuiusdam significanda instaret revolutio idem Nicolaus Petheny ab ipso Ambrosio exponente unum equum pro quatuor florenis auri sub spe restitutionis emisset, quos quidem quatuor florenos eidem Ambrosio exponenti ad plurimas requisitiones eiusdem hactenus restituere non curavisset recusaretque etiam de praesenti eosdem erga se conservandos potentia mediante. Praeterea circa festum beati Michaelis archangeli cuiusdam tertia praeterisset annualis revolutio, idem Nicolaus Petheny assumtis secum praefatis Andrea Merche et Petro Beres certisque aliis suis familiaribus manibus armatis et potentiariis ad domum et curiam praefati Sigismundi exponentis in saepefata Moha habitas irruentibus abinde unum currum cum quatuor bobus praefati Sigismundi exponentis ad dictam domum suam asportasset et eos a praedicto tempore usquemodo apud se retinuisset nec eos ipsi Sigismundo exponenti ad plurimas suas petitiones hactenus restituere curavisset, prout recusavit etiam de praesenti, in qo ipsi Sigismimdo exponenti viginti florenos auri dampna intulisset potentia mediante. Deinde in quadragesima proxime praeterita⁶⁾ dum ipsi exponentes providos Nicolaum Kadar, Mathiam Pictorem, Valentinum Kethelvere et alium Valentinum Thakach in Segeswar commorantes ad piscandam dictam piscinam eorundem exponentium scilicet ad vendendum illis pisces in eadem piscina depraehensos conduxissent, tunc idem Nicolaus de Petheny similiter de voluntate et instigatione dictae dominae Dorotheae consortis suae, assumptis secum Andrea Merche, Valentino Zekeres, Matheo Benkeo et Petro Beres familiaribus suis armatis et potentiariis manibus, noctis sub silentio ad dictam piscinam ipsorum exponentium decessissent ibique structuram eiusdem piscinae dissecari fecissent et aquas eius cum piscibus dimisissent, ita quod modica aqua et pauci pisces in ea remansissent. Nec eo contentus idem Nicolaus ipsos exponentes propter dictam piscinam eorum adeo cominatus fuisset, quod iidem exponentes metu dicti Nicolai proterriti de dicta possessione Moha ad alia bona eorum moraturi recessissent, in quibus praemisiss idem Nicolaus eisdem exponentibus ducentorum florenorum auri dampna intulisset potentia mediante. Postremo circa festum beatae Sophiae viduae proxime praeteritum⁷⁾ iidem Andreas Merche, Valentinus Zekeres, Matheus Benkeo et Petrus Beres familiares praefati Nicolai Petheny de speciali voluntate et commissis ipsius Nicolai domini ipsorum mani-[S. 364] bus armatis et potentiariis ad Demetrium et Johannem familiares praefatorum exponentium in platea dictae possessionis Moha repertos irruentes, eosdem usque ad cemeterium ecclesiae ibidem fundatae insecuti fuissent et tandem illos in eodem cemeterio diris vulneribus et verberibus affecissent [ ] ⁸⁾ relinquentes nec eo contenti arma quae tunc ipsi Demetrius et Johannes apud se habebant, ab eisdem abstulissent potentia mediante, quae iidem exponentes pro sexaginta florenis auri pati non voluissent, inque [ ] ⁸⁾ ipsorum exponentium et dampnum valde magnum. Super quo vestras amicitias praesentibus petimus diligenter, quatenus vestrum mittatis hominem pro testimonio fidedignum. Quo praesente Petrus vel Thomas de Baltheu aut Paulus de eadem seu Lucas Baltha de Bald sive Petrus de Syle neve Osvaldus de eadem nam Petrus Thompa de Sombor namque Gregorius Chongvay de Cheztve an Valentinus de Chuch et Paulus de eadem vel Ladislaus de Estvanhaza, aliis absentibus homo noster ab omnibus quibus incumbit meram experiant certitudinis veritatem, quam tandem nobis suo modo rescribatis. Datum Cibinii die dominico inter octavas festi⁹⁾ sacratissimi corporis Christi, anno eiusdem domini millesimo quadringentesimo octuagesimo quarto.

Auf der Rückseite Adresse: Amicis suis reverendis conventui ecclesiae de Kolosmonostra pro nobilibus Sigismundo et Ambrosio de Moha inquisitoria.


1) Lücke 35 mm.^{^}
2) So Vorlage, Meschendorf war tatsächlich untertänig.^{^}
3) Das unum jeweils verdoppelt. [2x]^{^}
4) Juli 25.^{^}
5) September 29.^{^}
6) März 7.^{^}
7) Mai 15.^{^}
8) Lücke 32 mm. [2x]^{^}
9) Lücke 29 mm.^{^}