Urkunde Nr. 4555 aus Band VII

Seite im UB:

353-354

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 145.

Druckvorlage:

nach Original

Abdruck als:

Volltext

Sprache:

Latein

---

4555

Ofen 1484 März 21 König Matthias erneuert für die Bistritzer Kaufleute das Recht auf zollfreien Handelsverkehr in Ungarn und Siebenbürgen.

Mathias dei gratia rex Hungariae, Bohemiae et cetera¹⁾ fidelibus nostris universis et singulis tributariis et theloniorum exactoribus tam nostris regalis et reginalibus quam aliorum quorumcumque in praedicto regno nostro Hungariae et partium Transsilvanarum ubilibet constitutis et existentibus praesentium notitiam habituris salutem et gratiam. Gravem querelam pro parte fidelium nostrorum civium, inhabitatorum et mercatorum civitatis nostrae [S. 354] Bistritiensis maiestati nostrae oblatam accepimus continentem, quod licet ipsi per divos reges Hungariae praedecessores nostros et praesertim per illustrem condam Iohannem de Hunyad felicis recordii genitorem nostrum carissimum ab omni solutione tributorum et theloniorum in perpetuum exemti sint et liberati, forent tamen nonnulli ex vobis, qui dum iidem pro victuum suorum necessario quaestu diversa regni nostri climata perlustrarent cum ipsorum rebus mercimonialibus ad loca huiusmodi tributorum perveniunt, eosdem ad solutiones huiusmodi tributorum vi et potentia mediante compellerent ac diversis calumniis plurimum pertubarent et damnificarent in derogamen et oppressionem praetactae antiquae libertatis et iurium ipsorum valde magnum. Supplicatum itaque extitit maiestati nostrae in personis dictorum exponentium, ut ipsis quemadmodum aliis civitatibus nostris Saxonicalibus superinde de remedio providere dignaremur opportuno. Cum autem nos praedictos cives et mercatores nostros in antiquis eorum libertatibus et iuribus inviolabiliter tenere intendamus²⁾ fidelitati universitatis vestrae et cuiuslibet vestrum districte praecipiendo mandamus, quatenus a modo in posterum dum et quotiescumque praefati cives et mercatores dictae civitatis nostrae Bistriciensis ad vos seu loca tributorum vestrorum pervenerint, ab eis aut ipsorum quopiam rebus mercimonialibus vel aliis bonis eorundem nullum tributum, nullamve tributariam solutionem petere seu exigere, nec eos propterea quoquomodo turbare et damnificare praesumatis, sed ubique libere pertransire permittatis quoniam alioquin commisimus et serie praesentium committimus magnifico comiti Stephano de Bathor iudici curiae nostrae et vaivodae partium regni nostri Transsilvanarum suisque vicevaivodis praesentibus et futuris item comitibus vel vicecomitibus et iudicibus nobilium comitatuum illorum, ubi scilicet huiusmodi tributi exactio committitur, ut ipsi postquam cum praesentibus literis nostris pro parte eorum mercatorum vel altero eorum requisiti fuerint, scita rei erritate tributa talia et loco tributorum ipsorum pro maiestate nostra occupare debeant et teneantur. Casu vero, quo ipsi comites vel vicecomites et iudices nobilium in occupatione taium tributorum tepiti fuerint et negligentes, nosque superinde avizati fuerimus, certificamus eos, exnunc, quod officia eorum et honorem comitatus auferemus³⁾ ab eisdem eo facto et talibus fidelibus conferemus⁴⁾, qui mandata nostra per omnia observare curabunt. Secus igitur facere nullatenus praesumatis. Praesentibus perlectis exhibenti restitutis. Datum Budae in festo beati Benedicti abbatis, anno domini millesimo quadringentesimo octogesimo quarto, regnorum nostrorum Hungariae et cetera vigesimo septimo, Bohemiae vero quinto decimo.

Von der Kanzlei: Ad relationem Thomae de Erdewd praepositi Tituliensis.


1) Bis hierher in verlängerter Schrift.^{^}
2) Gebessert aus intendimus.^{^}
3) Gebessert aus conferemus.^{^}
4) Gebessert aus conferimus.^{^}