Urkunde Nr. 4548 aus Band VII

Seite im UB:

350-351

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 838 - Abt. 21: K. A. Henndorf [Parohia Ev. CA Hendorf / Brădeni], Nr. 7.

Druckvorlage:

nach Original

Abdruck als:

Volltext

Sprache:

Latein

---

4548

Rom 148(3) Dezember 24 Die Kardinäle Johannes, Georgias u.a. verleihen der Andreaskirche in Henndorf einen Ablass von 100 Tagen, den Paul von Waitzen, Bischof von Argeş, um weitere 40 Tage vermehrt.

Johannes¹⁾ tituli sancti Marcelli, Georgius tituli sanctorum Petri et Marcellini, Paulus tituli sancti Sixti, Dominicus tituli sancti Clementis et Johannes tituli sanctae Balbinae presbyteri sanctae Romanae ecclesiae cardinales universis [Christi] ²⁾ fidelibus praesentes literas inspecturis salutem in domino sempiternam. Quanto frequentius fidelium mentes ad opera devotionis inducimus, tanto salubrius eorum animarum saluti providemus. Cupientes igitur, ut ecclesia parochialis sancti Andreae apostoli de villa Hendorff Transilvanensis diocesis ad quam sicut accepimus dilectis nobis in Christo Georgius Werner et Nicolaus Han laici ac communitas et homines dictae villae singularem gerunt devotionem congruis frequentetur honoribus et a Christi fidelibus iugiter veneretur ac in suis structuris et aedificiis debitae reparetur, conservetur et manuteneatur, necnon libris, calicibus, luminaribus ac alias ornamentis ecclesisticis decenter muniatur in ea quoque cultus augeatur divinus. Et ut Christi fideles ipsi eo libentius devotionis causa confluant ad eandem et ad reparationem ac alias opera praemissa manus promptuis porigant adiutrices. Quo ex hoc ibidem dono coelestis gratiae uberius conspexerint³⁾ se refectos de omnipotentis dei misericordia ac beatorum Petri et Pauli apostolorum eius auctoritate confisi, omnibus et singulis uteriusque sexus Christi fidelibus vere poenitentibus et confessis, qui dictam ecclesiam in assumptionis beatae Mariae virginis, Penthecostes, nativitatis sancti Johannis baptistae, sancti Ardreae apostoli et ipsius parochialis ecclesiae dedicationem festivitatibus a primis vesperis usque ad secundas vesperas inclusive devote visitaverint annuatim et ad reparationem ac alia opera praemissa manus porrexerint⁴⁾ adiutrices, ut praefertur, nos cardinales praefati et quilibet nostrum pro singulis festivitatibus praedictis, quibus id fecerint centum dies de iniunctis eis poenitentiis misericorditer in domino relaxamus. Praesentibus perpetuis futuris temporibus duraturis. In quorum omnium et singulorum fidem praesentes literas fieri nostrorumque cardinalatum sigillorum fecimus appensione communiri. Datum Romae in domibus nostris sub anno a nativitate domini millesimo quadringentesimo octuagesimo [tertio] ²⁾, die vigesima quarta mensis decembris, p[ontificatus] ²⁾ domini Sixti, divina providentia papae quarti anno tertiodecimo.

Auf der Plica: Sancti Angeli, Vlisboni, sancti Sixti, sancti [ ] ⁵⁾.

Am Rand links gleichzeitig: Et ego Paulus de Wacia, episcopus Argensis et suffraganeus Transsilvanus damus et concedimus omnibus Christi fidelibus vere contritis et confessis qui manus porrexerint adiutrices ecclesiae parochialis sancti Andreae apostoli de villa Hendorff dyocesis Transsilvanensis, item qui dictam ecclesiam in assumtionis beatae Mariae virginis, Penthecostes, nativitatis et omnibus festivitatibus prout in literis continetur cardina-[S. 351] lium causa devotionis visitaverint de omnipotentis dei misericordia ac beatorum Petri et Pauli apostolorum eius auctoritate confisi XL dierum indulgentias de iniunctis eorum poenitentiis misericorditer in domino relaxamus. In suius fidem et testimonium sigilli nostri pontificatus munimine roboravimus.


1) Verlängerte Schrift.^{^}
2) Lücke. [3x]^{^}
3) Vorlage conspeserint. ^{^}
4) Vorlage posreserint.^{^}
5) Verwischt.^{^}