Urkunde Nr. 4525 aus Band VII

Seite im UB:

337-338

Heute in:

Kronstadt, Archiv der Honterusgemeinde

Heutige Signatur:

IV F 1 (Sammlung Trausch) Tq (Manuskripte in Quart) 80 (Diplomatarium Transilvanico-Saxonicum) Vol. III, Text Nr. 624.

Druckvorlage:

nach Abschrift

Abdruck als:

Volltext

Sprache:

Latein

---

4525

Ofen 1483 Mai 1 König Matthias teilt allen Zollinhabern Ungarns mit, dass die Zwei Stühle gleich den Sachsen der Sieben Stühle Zollfreiheit besitzen, und trägt ihnen auf, sie darin zu bewahren.

Mathias dei gratia rex Hungariae et cetera fidelibus nostris universis et singulis nobilibus et alterius cuiusvis status et conditionis hominibus ubilibet per totum nostrum regnum Hungariae et partes eidem subiectias tributa hebentibus, exigentibus et tenentibus salutem et gratiam. Cum omnes Saxones partium regni nostri Transsilvanarum ab omni et qualibet tributaria solutione, libertatis ipsorum antiqua praerogativa requirente, per universum reg-[S. 338] num nostrum generaliter exemti sint et supportati habeantur, volumus igitur et decernimus et declaramus, ut etiam Saxones duarum sedium nostrarum Saxonicalium, qui in hac parte plurimum et in plerisque locis tributo vestrorum turbari et impediri apud maiestatem nostram referuntur, extunc ab omni tributaria solutione instar aliarum Saxonum nostrarum septem sedium Saxonicalium exempti sint atque in perpetuum habeantur. Mandamus propterea fidelitati vestrae et cuilibet vestrum harum serie firmissime, quatenus amodo et deinceps a praefatis Saxonibus dictarum duarum sedium nostrarum Saxonicalium dum scilicet iidem aut eorum alter vel homines et familiares ipsorum ad loca praefatorum tributorum vestrorum cum ipsorum rebus et mercibus pervenerint, de personis aut rebus eorundem tributorum aliquod petere vel exigere aut eosdem propter non solutionem impedire, turbare seu quovismodo damnificare nusquam, nequaquam et nullo unquam tempore praesumatis nec sitis ausi modo aliquali, gratiae nostrae sub obtentu. Praesentes autem quas sigillo nostro, quo ut rex Hungariae utimur, impendenti communiri fecimus, post earum lecturam semper reddi volumus et mandamus praesentanti. Datum Budae in festo Philippi et Jacobi apostolorum anno 1483, regnorum nostrorum Hungariae anno 26^to. Bohemiae vero 14^to. manu propria regis.