Urkunde Nr. 4516 aus Band VII

Seite im UB:

333

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125), B 1-5 (Inventar 82) Nr. 60, Vol. VII, pag. 214.

Druckvorlage:

nach Abschrift

Abdruck als:

Volltext

Sprache:

Latein

---

4516

Im Lager bei Petersdorf 1482 Dezember 4 König Matthias verleiht dem Markt Bulkesch das Jahrmarkts - und Wochenmarktsrecht.

Nos Mathias dei gratia rex Hungariae, Bohemiae et cetera. Memoriae commendamus tenore praesentium significantes quibus expedit universis, quod nos cum ad nonnullorum fidelium nostrorum humillimae supplicationis instantiam per eos pro parte fidelium nostrorum iudicis iuratorumque civium et totius communitatis oppidi Bolkatshi vocati in comitatu de Keokelleo habiti nostrae correctae maiestati cum et pro utilitate et commodo praefati regni nostri ac incolarum et inhabitatorum eiusdem oppidi ad oppidum ipsum nundinas liberas seu fora anualia libera singulis festivitatibus sanctae trinitatis et beati Laurentii martiris¹⁾ aliis diebus ipsas festivitates praecedentibus imediate et sequentibus ad id videlicet necessario aptis et sufficientibus omni anno, item forum ebdomale literum singulis diebus dominicis in qualibet ebdomada omnino sub iisdem libertatibus et praerogativis, quibus nundinae seu fora anualia libera sed et ebdomadalia civitatum nostrarum liberarum aut opidorum et villarum celebrantur perpetue celebrare duximus annuenda et concedenda. Immo annuimus et concedimus praesentium per vigorem absque tamen praeiudicio nundinarum seu fororum anualium sed et ebdomadalium liberorum aliorum quorumcumque, quocirca vos omnes et singulos mercatores, institores et forenses homines ac viatores quoslibet serie praesentium assecuramus et certificamus, quatenus ad praedictas nundinas seu fora anualia sed et ebdomadalia libera per nos in praetacto opido modo praemisso perpetue celebrari commissas et concessa cum omnibus mercantiis rebusque et bonis vestris libere secure absqueo mni favore seu formidinae personarum et rerum vestrarum veniatis et accedatis peractisque ibidem cunctis negotiationibus vestris ad propria aut alia quae malueritis loca redeatis salvis semper personis atque rebus vestris sub nostra protectione et tutela speciali, et haec volumus per fora et alia loca publica ubique proclamari. Praesentes autem quas absente maiori secreto sigillo nostro annularis secreti sigilli nostri appensione fecimus communiri post earum lecturam reddi mandamus praesentanti. Datum in castris exercitus nostri penes Pettersdorf²⁾ in festo beatae Barbarae virginis, anno domini millesimo quadringentesimo octogesimo secundo, regnorum autem nostrorum anno Hungariae et cetera vigesimo quinto, Bohemiae vero quarto decimo.

Mathias rex.


1) August 10.^{^}
2) Vermutlich Perchtoldsdorf bei Mödling, das früher Petersdorf hiess.^{^}