Urkunde Nr. 4513 aus Band VII

Seite im UB:

330-331

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 26 436.

Druckvorlage:

nach Original

Abdruck als:

Volltext

Sprache:

Latein

---

4513

Hermannstadt 1482 November 17 Der siebenbürgische Woiwode Stephan Báthori beauftragt den Konvent von Kolozsmonostor, die Klagen einiger Adligen gegen Ladislaus und Tobias von Hetzeldorf wegen Schädigungen, die diese ihnen in Crihalma und Galaţi zugefügt haben, zu untersuchen.

Amicis suis reverendis conventui ecclesiae de Kolosmonostra comes Stephanus de Bathor vaivoda Transsiluanus necnon iudex curiae serenissimi principis domini Mathiae dei gratia regis Hungariae, Bohemiae, Dalmatiae, Croatiae et cetera amicitiam paratam cum honore. Dicitur nobis in personis nobilium Michaelis ac Gaspar de Hozywthelke, Johannis de Eczel et Petri de Koppan necnon dominarum Ursulae Petri Beldi de Espanlaka et Scolasticae praefati Petri Koppany consortum item Gregorii filii ac puellae Rwsynth vocatae, filiae eiusedem Petri Koppany et alterius puellae similiter Rwsinth appelatae et sororis dicti Johannis Eczely, quomodo ab anno cuius iam quinta instaret revolutio, egregii Ladislaus et Thobias de eadem Eczel de consilio et instigatione nobilis dominae¹⁾ Magdalena vocatae matris ipsorum Ladislai et Thobiae quasdam tres piscaturas ipsorum²⁾ exponentium²⁾ seu riwlos³⁾ fluvii Olth in territorio possessionis Kyralhalma in comitatu Albensi existentes habitas et adiacentes saepius depistare piscesque in eisdem deprehensos quo ipsorum placuisset voluntati fecissent. In quibus praemissis eisdem exponentis ducentorum florenorum auri dampna intulissent potentia mediante, demum iidem Ladislaus et Thobias de consilio et instinctu eiusdem dominae Magdalenae matris ipsorum pro continuos octo annos omnes proventus et utilitates quarundam duarum silvarum glandinosarum ipsorum exponentium quarum una in praelibata Kyralhalma ac alia in Galacz possessionum territoriis in comitatu praedicto²⁾ existentium habitis adiacerent sibipsis percepissent et collegissent, in quibus eisdem exponentium centum florenorum dampna intulissent potentia mediante. Etque in eisdem continuis octo annis iidem Ladislaus et Thobias similiter de consilio et voluntate praefatae dominae Magdalenae iobagiones ipsorum exponentium in dictis possesssionibus Kyralhalma et Galacz commorantes saepius dicassent et super eos certas taxas extorsissent nec eo contenti eisdem iobagionibus dictorum exponentium diversa impedimenta⁴⁾ et iniurias intulissent per cuius metu nonnulli ex eis de bonis praefatorum exponentium ad²⁾ bona aliena affugissent, in quibus praemissis iidem Ladislaus et Thobias eisdem exponentium ducentorum florenorum auri dampna intulissent potentia mediante. Postremo feria secunda proxima post festum Omnium Sanctorum proxime praeteritum⁵⁾ dum videlicet iidem Petrus et Michael exponentes cum praefato Ladislao Thabiasy ratione certorum negotiorum in praesentia egregii Stephani Horwath castellani castri nostri Wylagoswar tunc personae et vicegerentis nostri in decursu suo penes fluvium Horthobagh convenissent in causam, tunc idem Ladislaus praefatos Petrum et Michaelem in dedecus nobilitatis ipsorum ver-[S. 331] bis inhonestis et vituperioris affecisset mortis minos illis imponente, quae praemissa iidem Petrus et Michael exponentes pro singulis ipsorum homagiis patere non voluissent in⁶⁾ praeiudicium ipsorum exponentium valde magnum. Super quo vestram amicitiam praesentibus petimus diligenter, quatenus vestrum mittatis hominem pro testimonis fidedignum quo praesente Laurentius de Kys Enyed vel Paulus Gereb de Galthew aut Petrus Thompa de Chombord sive Clemens Bwday de Chwth aliis absentibus homo noster ab omnibus quibus incumbit meram de praemissis experiatur certitudinis veritatem, quam tandem nobis suomodo rescribatis. Datum Cibinii die dominico proximo ante festum beatae Elizabeth viduae, anno domini millesimo quadringentesimo octoagesimo secundo.

Auf der Rückseite Adresse: Amicis suis reverendis conventui ecclesiae de Kolosmonostra pro nobilibus Michaele et Gaspar de Hozywthelke ac aliis infrascriptis, inquisitoria.

Auf der Rückseite gleichzeitig: Homo wayvodalis Clemens de Buda, noster frater Georgius. Executio feria secunda proxima post festum beati Thomae martiris in comitatu Albensi.


1) Folgt El, durchgestrichen.^{^}
2) Über der Zeile. [4x]^{^}
3) So Vorlage.^{^}
4) Gebessert aus impedinanta.^{^}
5) Oktober 28.^{^}
6) Vorlage im. ^{^}