Urkunde Nr. 4490 aus Band VII

Seite im UB:

318-319

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. T 63.

Druckvorlage:

nach Original

Abdruck als:

Volltext

Sprache:

Latein

---

4490

Bonnesdorf 1482 Juni 2 Der siebenbürgische Woiwode Stephan Báthori verbietet dem Adligen Ladislaus Desewfy de Lossoncz von den Bewohnern Klausenburgs in Bachnen Zoll einzuheben.

Comes Stephanus de Bathor, iudex curiae regiae vaivodaque Transsilvanus et Siculorum comes et cetera egregio Ladislao Desewfy de Lossoncz salutem et favorem. Expositum extitit nobis in personis civium et inhabitatorum civitatis Koloswariensis gravi cum querela quomodolicet ipsi mediante literis regalibus ab omni solutione tributarum exempti et supportati fuerint et pro quaevis tributorum loca libere proficisci habuerint. Tamen officiales et exactores tributi vestri in Bohnya situati hiis minime curatis circa festum Penthecostes¹⁾ proxime praeteritum super nonnullos populos et inhabitatores dictae civitatis Koloswariensis dum iidem ad nundinas extunc in dicta Bohnya celebratas cum eorum rebus et mercantiis venissent, grandia tributa et inauditas tributarum solutiones exigissent et extorcissent, nam de quolibet curru singulisque rebus et mercantiis ipsorum institorum et inhabitatorum civitatis praedictae scilicet de qualibet eorum persona immo de feminis et parvulis ipsorum tributa ad modum grandia extorsissent in praeiudicium ipsorum exponentium dampnumque et dictarum literarum regalium derogamen quam maximum. Unde quia nos ipsis literis regalibus nequaquam obstare quin potius eas in suis vigoribus conservare sicque ipsos exponentes eorum libertate frui volumus nec talia facinora, quae ex toto inaudita censeri possunt improvise pertransire opportet pro eo dilectionem vestram praesentibus requirimus diligenter et regia in persona firmiter mandamus eidem, quatenus agnita prae- [S. 319] sentium notitia a modo in antea per officiales et exactores dicti vestri tributi vel alios quospiam homines et sequaces vestros talia facinora et indebitos actus committi permittere non velitis neque audeatis quoquomodo, quin potius omnia illa tam videlicet pecunias quam alias res quas ut praefertur super ipsos exponentes ipsi vestri tributarii extorserant eisdem exponentibus in specie et sine omni defectu reddi et restitui facere velitis et debeatis. Qui si fecerit benequidem alioquin comitibus vel vicecomitibus illorum comitatum in quibus bona vestra situantur serie praesentium strictius committimus, ut iidem eadem vestra bona iuxta contenta dictarum literarum regalium occupare occupataque tamdiu quousque de illatis satisfactio impendetur tenere debeant et teneantur. Secus optamur non facturi. Praesentibus perlectis exhibenti restitutis. Datum in Bayon in festo sanctae et individuae Trinitatis, anno domini millesimo quadringentesimo LXXX secundo.


1) Mai 26.^{^}