Urkunde Nr. 4489 aus Band VII

Seite im UB:

317-318

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 48.

Druckvorlage:

nach Original

Abdruck als:

Volltext

Sprache:

Latein

---

4489

Reps 1482 Mai 29 Die Stuhlsgeschworenen von Reps legen den Sieben Stühlen ihre Entscheidung in dem Streit zwischen Simon Ebel aus Agnetheln und der Gemeinde Cobor im Berufungsweg vor.

Prudentes et circumspecti domini amici et fautores honoribus cunctis prosequendi. Noverint dominationes vestrae, quod cum nos more alias solito pro tribunali pariter consedissemus ac quidam Simon Ebel dictus de valle Agnetis uti actor ab una ac providi viri videlicet tota communitas de villa Cowern in causam atracti partibus ab altera coram nobis personaliter comparuissent et ratione cuiusdam aquae seu stagni litigassent, conquestumque nobis per providum Simon Ebel extitit, quod cum idem quandam piscinam ab honestis hominibus ac tota communitate Cowern emisset, extunc sibi quantitas piscium terminate¹⁾ per eosdem de dicta villa fuisset promissa, ipse vero Simon Ebel quantitatem et magnitudinem huiusmodi piscium minime reperiens a praedictis inhabitatoribus villae Cowern summam pecuniarum sui dampni ab ipsis cogitabat postulare, Isti autem homines de praedicta villa promissum hoc per ipsos negant fore factum (quod nec etiam praedictus Simon Ebel testimonio aliquo probare potuit), sed dicunt, quod quadam die praedictus Simon Ebel in villa eorum ipsos accedens non rogatus, petitus nec coactus et dictam piscinam ab eisdem ad [ postulabat] ²⁾. Super quo dicto ipsi [ de villa eidem Simoni] ³⁾ Ebel piscinam probare fecerunt, quod et fecit sagertam seu rethe immisit et ad nutum suum piscium multitudinem primo tractu prendidit et extraxit. Et super hoc mox cum eisdem conveniens et piscinam antedictam rectae emtionis titulo consuetudine provinciali tenta pro quinquaginta florenis ungaricalis monetae ab eisdem emit et se potum seu almasium in ratificationem emtionis istius biberunt. Immo tempore depositionis pecuniarum post almasium praesentibus providis viris Adam Gref villico de Ruppus ac iurato consule Andrea sutore de praedicto oppido dicti homines de villa manifeste dicebant, quod si praedictus Simon Ebel se aggravatum tempore medio sensisset, nihil obstante pecunias suas post se sumere deberet et ipsis piscinam eorum quiete et pacifice permittere. Hic [S. 318] autem Simon nolens sed piscinam prout emisset postulabat dicens, quod si damnum pateretur in eum et non in alium redundaret. Nos itaque auditis intellectis et examinatis utrarumque partium propositionibus et allegationibus et bene [ ] ²⁾ solum deum et iustitiam prae oculis habentes sententiam diffinitivam in hunc modum duximus divulgandam praedictum Simonem Ebel in praemissa causa nullum ius nullamque iustitiam habere. Hic tamen Simon Ebel sententia nostra diffinitiva minime contentus causam in praesentiam dominorum septem sedium Saxonicalium provocabat. Quare dominationes ac amicitias petimus instanter, quatenus si fieri potest praedictos pauperes de Cowern in vestra iustitia retinere velitis. Datum in Ruppas feria quarta⁴⁾ infra octavas penthecostes,, anno domini 1482. Iurati seniores sedis et oppidi Ruppas ad [ ] ⁵⁾ mandata parata.

Auf der Rückseite Adresse: Laudissimae famositatis ac merae prudentiae viris magistro civium Cibiniensi[asque] ⁶⁾ consulibus ac toti universitati septem sedium, dominis et amicis sincere honorandis.


1) Hierauf gestrichen unius piscium. ^{^}
2) Hierauf in zerstörtem Bug unleserlich 28 mm. [2x]^{^}
3) Hierauf in zerstörtem Bug unleserlich 35 mm.^{^}
4) Wenrich liest quinta mit Fragezeichen.^{^}
5) Lücke 9 mm.^{^}
6) 8 mm, leserlich nur die Endung asque .^{^}