Urkunde Nr. 4445 aus Band VII

Seite im UB:

295

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 140.

Druckvorlage:

nach Original

Abdruck als:

Volltext

Sprache:

Latein

---

4445

Ofen 1481 November 15 König Matthias beauftragt den siebenbürgischen Woiwoden Stephan Báthori den Rat und die Bürger von Klausenburg zu veranlassen, jeden Rechtsstreit im Appellationsweg zunächst dem Bistritzer Rat vorzulegen.

Mathias dei gratia rex Hungariae, Bohemiae et cetera fideli nostro magnifico comiti Stephano de Bathor iudici curiae nostrae et vaivodae partium regni nostri Transsilvanarum salutem et gratiam. Expositum est maiestati nostrae in personis fidelium vestrorum circumspectorum iudicis et iuratorum ceterorumque civium civitatis nostrae Bistriciensis, quod quamvis ipsi inter alias suas libertates et praerogativas libertatum hoc praecipuo privilegio libertatis ab antiquo gavisi fuerint quod de praesentia iudicis et iuratorum civium civitatis nostrae Koloswariensis causae quorumvis liti gantium ex iudicio eorum contentari nolentium imprimis ad ipsos exponentes sedemque eorum iudiciariam et sic deinde ad sedem Cibiniensem pro discussione atque interrogatione deductae fuerint deducique debuerint. Tamen nunc iudex et cives dictae civitatis Koloswariensis innixi quibusdam literis nostris superioribus temporibus ut dicitur a nobis qualitercumque pro se¹⁾ impetratis causis huiusmodi non ad sedem ipsorum exponentium sed simpliciter ad sedem Cibiniensem pro interrogatione atque discussione transmittere velle contenderent in praeiudicium iuris et privilegiorum eorundem exponentium manifestum. Quia vero nos ipsos exponentes²⁾ in omnibus antiquis eorum libertatibus, consuetudinibus et privilegiis illibate conservare et tenere volumus, mandamus igitur fidelitati vestrae quatenus receptis praesentibus accersito ad vos fideli nostro venerabili Georgio praeposito Waradiensi et cetera visis et examinatis cum eodem superinde iuribus praefatorum exponentium ipsos iuxta huiusmodi ipsorum iura in dictis antiquis libertatibus et privilegiis consuetudinibusque super advocatione scilicet causarum praetactarum habitis adversus memoratos iudicem et cives Coloswarienses tueri, protegere et conservare debeatis et teneamini. Secus non facturi praesentibus perlectis exhibenti restitutis. Datum Budae feria quinta proxima post festum beati Briccii episcopi et confessoris, anno domini millesimo quadringentesimo octogesimo primo, regnorum nostrorum anno Hungariae et cetera vigesimo quarto, Bohemiae vero tredecimo.

Von der Kanzlei: Ad relationem Thomae de Erdewd, praepositi Tituliensis, pro thesaurario referentis.

Am unteren Rande innen von dritter Kanzleihand: Relatio Urbani thezaurarii regiae maiestatis et cetera Thomas.


1) Auf Rasur pro se. ^{^}
2) Hierauf gestrichen tam.^{^}