Urkunde Nr. 4443 aus Band VII

Seite im UB:

293-294

Druckvorlage:

nach Original

Abdruck als:

Volltext

Sprache:

Latein

---

4443

1481 Oktober 18 Richter und Rat von Klausenburg bestätigen, dass der Adlige Thomas Pogan von Thorda sein Haus in der Klausenburger Mittelgasse für 220 Gulden an Peter Theremy verkauft hat.

Nos Nicolaus Petrimathiae iudex universique iurati cives civitatis Colwswar ad universorum¹⁾ notitiam tam praesentium quam futurorum harum serie volumus pervenire, quod die datarum praesentium nostri conspectus venientes in praesentiam nobilis vir Thomas Pogan de Thorda ab una et providus Petrus Theremy, concivis noster, partibus ab altera, et per eundem nobilem Thomam Pogan vivae vocis ministerio spontaneaque sua voluntate confessum extitit pariter et relatum, quod ipse pro quibusdam suis necessitatibus imponentiarum urgentibus evitandis et repellendis totalem domum suam hereditariam simul cum fundo curiae in platea media iacentem, in vicinitatibus providorum Michaelis Hon orientali et Gothardi Vitriparis occidentali plagis contigue sitam et iacentem in ipsum Thomam Pogan a patre suo Nicolao Pogan iure hereditario devolutam secundum omnem eius longitudinem et latitudinem simulcum omnibus suis iuribus, proprietatibius libertatibus dominis utilitatibus, foenetibus et proventibus necnon omnibus metis et vetustatis limitibus, stillicidiis, cannalibus ac omnibus aliis suis pertinentiis universis contructis et construendis ad ipsam domum ei fundum curiae spectantibus, annotato Petro Theremy suis heredibus heredumque successoribus liberae venditionis titulo vendidisset, contulisset et assignasset, immo vendidit, contulit et assignavit eidem coram nobis, nil iuris in eadem reservando, iure hereditario et perpetuo irrevocabiliter possidendum, tenendum pariter et habendum pro ducentis et viginti florenis auri Hungaricalibus in utilitatem ipsius vendentis totaliter conversis [S. 294] et mutatis, nostrum ad scitum pleno persolutis; isto adiecto, quod memorati Petrus Theremy et Michael Hon aut ipsorum domorum legittimi possessores cannale inter domus ipsorum iacentem semper perpetuis et futuris temporibus similiter equalibus laboribus et expensis tenere et conservare debeant et teneantur sine dampna aliquali prout coram nobis ipse praesentes fassi sunt; isto etiam declarato, quod si umquam temporum in processu heredes et posteri praenominati nobilis Thomae Pogan aut eius consanguinei praefatum Petrum Theremy aut eiusdem liberos vel posteritates praetextu praenaratarum domus et curiae sic venditarum intra vel extra iudicium aggravarent seu quovismodo inquietarent, extunc sepefatus Thomas Pogan suique heredes ipsum Petrum Theremy eiusque heredes et posteritates propriis suis expensis et laboribus mediantibus ab huiusmodi domus et curiae inquietationibus et impetitionibus secundum iura et leges civitatis nostrae semper ab antiquo observatas libertare et relevare debeant et teneantur. Ad quae praedictus Thomas Pogan spontanea sua voluntate coram nobis iuxta regni consuetudinem se obligavit faciendum. In cuius rei memoriam firmitatemque perpetuam praesentes litteras nostras privilegiales sub sigilli nostri maioris et autentici appensione consignatas ipsi Petro Theremy iuris sui ad cautelam duximus concedendas. Datum in festo beati Lucae ewangelistae, anno domini millesimo quadringentesimo octuagesimo primo.


1) Erste Zeile verlängerte Schrift.^{^}