Urkunde Nr. 4436 aus Band VII

Seite im UB:

288-289

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 402.

Druckvorlage:

nach Original

Abdruck als:

Volltext

Sprache:

Latein

---

4436

Ofen 1481 August 25 König Matthias befiehlt allen Adeligen und Grundbesitzern Siebenbürgens, Sachsen der Sieben und Zwei Stühle, die sich auf ihre Güter geflüchtet haben, die Rückkehr zu gestatten und ihre Grundhörigen an der Übersiedlung auf den Königsboden nicht zu hindern.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris universis et singulis nobilibus et alterius cuiusvis status et conditionis possessionatis hominibus partium regni nostri Transsilvanarum praesentes visuris salutem et gratiam. Exponitur nobis in personis fidelium nostrorum universorum septem et duarum sedium Saxonicalium Saxonum, quo- [S. 289] modo nonnulli forent ex vobis, qui populos et iobagiones nostros Saxones qui hiis superioribus temporibus certis ex causis se ad bonas et possessiones vestras de eisdem bonis nostris transtulissent moraturos, nuncque rursus ad pristina eorum habitacula et medium aliorum Saxonum nostrorum redire vellent, eosdem ac etiam ceteros populos et iobagiones, qui populi et iobagionalis conditionis homines se de suis bonis ad possessiones et bona nostra Saxonicalia iusto terragio deposito aliisque debitis suis persolutis transferre vellent moraturos calumpnia eis abiecta abire non permitterem, in nostram displicentiam praeiudiciumque et dampnum dictorum Saxonum valde magnum. Cum autem universi Saxones instar Cumanorum, Philisteorumque et ceterarum huiusmodi nationum homines ad solam regiam nostram maiestatem et neminem alium pertinere debeant, et etiam alias ex antiqua lege et consuetudine regni nostri quilibet iobagio et iobagionalis conditionis homo de bonis cuiuscumque habita licentis iustoque terragio deposito et aliis debitis persolutis ad possessiones et bona alterius cuiuscumque libere recedere possit talisque dimitti debeat. Fidelitati igitur vestrae et vestrum cuiuslibet harum serie firmisse mandamus, quatenus umnes tales Saxones nostros, qui ut praefertur rursus ad bona nostra redire vel etiam aliter de novo venire ceteros etiam populos et iobagiones vestros, qui de possessionibus et bonis vestris habita licentia, ut praemissum est, ac iusto terragio deposito et aliis debitis suis persolutis ad possessiones et bona nostra Saxonicalia moraturos se transferre voluerint, absque omni calumpnia et difficultate cum omnibus rebus et bonis eorum pacifice abire, dimittere et dimitti facere debeatis et teneamini. Quoniam alioquin facultatem dedimus et praesentibus damus et concedimus eisdem septem et duarum sedium Saxonibus, eorundemque magistris civium ac iudicibus et villicis, ut facta trina monitione, prout haec ex antiqua eorum lege et consuetudine habent, tales populos et iobagiones transferre se volentes, et per vos vel alterum vestrum dimittere recusantes, cum omnibus eorum rebus et bonis levare et ad possessiones et bona nostra Saxonicalia libere traducere et transferre possint et valeant, auctoritate nostra praemissa ipsis in hac parte attributa et iustitia mediante. Secus igitur nullo modo facturi. Praesentibus perlectis exhibenti restitutis. Datum Budae sabbato proximo post festum beati Bartholomaei apostoli, anno domini millesimo quadringentesimo octogesimo primo, regnorum nostrorum anno Hungariae et cetera vigesimo quarto, Bohemiae vero tredecimo.