Urkunde Nr. 4429 aus Band VII

Seite im UB:

282-283

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. t 60.

Druckvorlage:

nach Original

Abdruck als:

Volltext

Sprache:

Latein

---

4429

Ofen 1481 August 24 König Matthias verbietet allen Zollinhabern seines Reiches, die Bewohner von Klausenburg mit Zollforderungen zu belästigen.

Mathias dei gratia rex Hungariae, Bohemiae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus item civitatibus, oppidis et villis ipsorumque rectoribus, iudicibus et villicis cunctis etiam alterius cuiusvis status possessionatis hominibus ubicumque intra ambitum regni nostri tributa seu thelonia tenentibus et habentibus quibus praesentes ostenduntur salutem et gratiam. Gravem querelam fidelium nostrorum circumspectorum Nicolai Petri Mathiae dicti iudicis et Ambrosii Zabo civis iurati civitatis nostrae Koloswar in ipsorum ac universorum civium et inhabitatorum eiusdem civitatis nostrae personis nobis oblatam accepimus continentem, quomodo nonnulli essent ex vobis qui antiquis libertatibus eorum ipsis per divos reges Hungariae nostros scilicet praedeccssores gratiosae datis et concessis per nosque confirmatis non curatis ab ipsis civibus nostris ipsorumque rebus et bonis contra huiusmodi¹⁾ antiquas libertates et privilegia eorum in suis tenutis, terris et possessionibus tributa exigi facerent eosdemque ac res [S. 283] et bona ipipsorum ad quorumvis instantiam arestarent et ipsorum astare iudicio comellerent in praeiudicium et derogamen libertatis eorum et desolationem ipsius civitatis nostrae non modicam. Et quia nos eosdem cives nostros in eorum antiquuis libertatibu indempniter²⁾ conservare volumus. Ideo fidelitati universitatis vestrae et cuilibet vestrum harum serie districte praecipimus et mandamus, quatenus a modo deinceps praenominatos cives et inhabitatores civitatis nostrae predictae aut aliquem ex ipsis dum et quando ac quotienscumque eosdem ad vestras terras tenutas possessiones ac loca tributorum vestrorum aut vestri in medium pervenire contingat, absque aliquali solutione et extractione tributi vel alterius cuisvis pactationis onere simulcum omnibus rebus et bonis ipsorum libere pacifice et absque qualibet conitradicitone transire et redire permittatis et per vestros permitti faciatis ipsosque aut eorum res et bona ad cuiusvis instantiam arestare vel arestari facere vel vestro astare iudicatui compellere et astringere nullo umquam tempore praesumatis gratiae nostrae regiae sub obtentu nam si quippiam ex vobis quitquam²⁾ actionis seu questionis contra praefatos cives nostros aut aliquem ex ipsis habuerit aut habere speraverit id coram iudice et iuratis civibus civitatis nostrae praedictae iuridice prosequatur, ex parte quorum plena administrabitur iustitia et satisfactionis complementum; alioquin commisimus et praesentibus strictius committimus et mandamus fidelibus nostris magnificis vaivodis vel vicevaivodis partium nostrarum Transsilvanarum necnon comitibus vel vicecomitibus et iudicibus nobilium illorum comitatuum in quibus fortasse ipsa mandata nostra non observarentur, ut ipsi scita prius super ea mera veritatis certitudine omnium illorum tributa et thelonia ac haereditates et possessiones ipsorum, in quibus videlicet super praenominatis civibus nostris aut eorum aliquo rebusque et bonis ipsorum tributum aut thelonium²⁾ exactum fuerit vel aliquod spolium propterea super eos in campo vel in villis fecerint mox et in continenti pro nostra maiestate occupare debeant et teneant occupatas, non obstantibus iuribus alienis. Casu vero quo comites vel vicecomites et iudices nobilium illorum comitatuum circa praemissa remissi aut negligentes fuerint, extunc eo facto honore et officiolatu eorundem nullo alio mandato nostro superinde expectato vigore praesentium literarum nostrarum privati sint et habeantur omnimode. Secus ergo non facturi praesentes autem quas secreti sigilli nostri quo ut rex Hungariae utimur appensione communiri fecimus post earum lecturam semper et ubique reddi volumus et mandamus praesentanti. Datum Budae in festo beati Bartholomei apostoli, anno domini millesimo quadringentesimo octogesimo primo, regnorum autem nostrorum anno Hungariae et cetera vigesimo quarto, Bohemiae vero tredecimo.

Von der Kanzlei: Ad relationem Thomae de Erdewd praepositi Tituliensis.

Auf der Rückseite gleichzeitig: Super omnia thelonia per totam Hungariam et arrestatione.


1) Hierauf nochmals huiusmodi. ^{^}
2) So Vorlage. [3x]^{^}