Urkunde Nr. 4428 aus Band VII

Seite im UB:

281-282

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. A Nr. 3.

Druckvorlage:

nach Original

Abdruck als:

Volltext

Sprache:

Latein

---

4428

Ofen 1481 August 24 König Matthias enthebt die Klausenburger von der Pflicht, in Rechtsangelegenheiten an den bisherigen Oberhof Bistritz zu appellieren und verweist sie unmittelbar an das Hermannstädter Gericht.

Nos Mathias dei gratia rex Hungariae, Bohemiae et cetera memoriae¹⁾ commendamus tenore praesentium significantes quibus expedit universis, quod fideles nostri circumspecti Nicolaus Petri Mathiae, iudex ac Ambrosius Zabo, iuratus civis civitatis nostrae Koloswar maiestatis nostrae venientes in conspectum ipsorum ac totius communitatis eiusdem civitatis nosttrae nominibus et in personis declararunt, quod licet hactenus cives et incolae ipsius civitatis nostrae Coloswar nonnullsas causas a iudicio et sententia iudicis et iuratorum civium eorundem ad iudicium examenque iudicum et iustitiariorum civitatum nostrarum Bistriciensis dehinc Czibiniensis et expost septem sedium Saxonicalium liberam habuerint per viam appellationis provocandi facultatem sed cum exinde cives ipsi et incolae saepius dampna, labores et expensas incommoda²⁾ et mala plurima sustinuisse perhibeantur, pro eo idem iudex et iuratus, suis et aliorum quorum supra nominibus, nostrae humiliter supplicarunt maiestati, ut eosdem a talibus laboribus, dampnis et incommodis gratiose relevantes praeservare dignaremur. Nos igitur cuius regiminis officio expedit ut subditorum nostrorum commodo et quieto statu de clementia regia provideamus, praefatos cives et totam communitatem dictae civitatis nostrae de Coloswar a modo in posterum de plenitudine nostrae regiae potestatis et gratia speciali a iurisdictione et iudicio iudicis et iuratorum civitatis nostrae Bistriciensis praefatae si quam modo praemisso in ipsos populos Coloswarienses usque huc qualitercumque habuissent seu de cetero quovismodo habere praepen- [S. 282] derent duximus eximendos et supportandos immo eximimus et supportamus praesentium per vigorem, eosdem tantummodo iudicio et iudicatui in praemissis causis appellationis iudicum et iuratorum nostrorum Czibiniensium et demum septcm sedium Saxonicalium ubi iudices et iurati seniores omnium civitatum praedictarum convenire consueverunt reservantes. Quapropter mandamus praefatis iudici et iuratis civibus pretactae civitatis nostrae Czibiniensis praesentibus et futuris, quatenus de cetero non obstantibus quibuscumque consuetudinibus ut praemittitur huc usque in contrarium praesentis nostrae annuentiae observatis, omnes et singulas causas dictorum civium et populorum nostrorum Coloswariensium per viam appellationis immediate ad vos delatis suscipere, examinare et sine debito terminare debeant et teneantur neque secus facere praesumant gratiae nostrae regiae sub obtentu. Praesentes autem quas secreti sigilli nostri quo ut rex Hungariae utimur appensione communire fecimus post lecturam mandamus praesentanti. Datum Budae in festo beati Bartholomei apostoli, anno domini millesimo quadringentesimo octogesimo primo, regnorum autem nostrorum anno Hungariae et cetera vigesimo quarto, Bohemiae vero treecimo.

Von der Kanzlei: Ad relationem Thomae de Erdewd praepositi Tituliensis.

Auf der Rückseite gleichzeitig: Appellatio ad Cibinienses et non ad Bistriciam.


1) Bis hieher in verlängerter Schrift.^{^}
2) Vorlage incomodia. ^{^}