Urkunde Nr. 4413 aus Band VII

Seite im UB:

273-274

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

4413

Tăşnad 1481 Mai 14 Der Weissenburger Bischof Ladislaus Gereb dankt den Dechanten Pfarrer Johannes von Meschen und Hieronymus von Schaas für das namens der (sächsischen) Geistlichkeit bewilligte Subsidium von 200 Goldgulden und ersucht, es seinem Vikar Cristannus zu übergeben.

[S. 274] Ladislaus Gereb, electus et confirmatus ecclesiae Albensis. Honorabiles ac discreti nobis in Christo grate sincereque dilecti. Quod in tanta temporum tempestate, quibus tum continui belli sive exercitus tum pro diversarum aliarum rerum necessaria expeditione oneribus non possumus non gravari, vos rebus nostris, sicuti accepimus, ducentis aureis subventuros exhibueritis, rem nobis gratissimam effecistis. Habemus itaque caritati vestrae gratias non mediocres laetamurque de vestra summa in nos oboedientia nobisque obsequendi voluntate mirifica. Quaquidem re et vos ipsos nobis carissimos reddidisse et summam erga nos vobis benevolentiam comparasse et item in rebus vestris honestis omnibus tutum ad nos accessum patefactum facillime ac secure vobis potestis persuadere. Volumus itaque, ut aurei huiusmodi quam primum venerabili Cristanno vicario nostro Albensi assignentur. Nec opus est, ut eos nobis Thasnadinum aut quocumque quemadmodum vos faciendum decrevisse intelleximus, per ampliora viarum et expensarum discrimina ac onera transmittatis. Novit enim vicarius ipse Cristannus rem ad cuius ipsi aurei necessarii sint celerem expeditionem. Datum in oppido nostro Thasnad die lunae quarta decima maii, anno a natali Cristiano millesimo quadringentesimo octuagesimo primo.

Adresse: Honorabilibus dominis ac discretis Johanni de Mwszna et Hieronimo de Segesd decanis ac ceteris ecclesiarum plebanis in Christo nobis grate sincereque dilectis.