Urkunde Nr. 4393 aus Band VII

Seite im UB:

261-262

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4393

1481 März 9 Richter und Rat von Klausenburg bestätigen eine Übereinkunft zwischen den Meistern der dortigen Schusterzunft.

Nos Nicolaus Petri Mathiae iudex universique¹⁾ iurati consules civitatis Coluswariensis ad universorum notitiam tam praesentium quam futurorum harum serie volumus pervenire quod solertes viri Laurentius Fabian, Michael Swarcz, Iohannes Heltner, Ladislaus Magnus et alter Ladislaus de Hwnyad in suis ac universorum magistrorum artis suttoriae²⁾ personis confraternitatisque altaris sanctorum decem milium²⁾ militum martyrum, qui in una vocis consonantia uniusque voluntatis produxerunt et exhibuerunt nobis quandam cartam certis articulis conscriptam super dispositione unione et defectibus inter ipsos magistros et cecham²⁾ ipsorum mutuo factae, petentes nos debita cum instantia ut ipsam dispositionem et unionem ratam, gratam et acceptam haberemus, litterisque nostris privilegialibus de verbo ad verbum inscribi faciendum ac eosdem articulos et omnia in eis contenta pro ipsis magistris perpetuae valiturae conferre atque confirmare deberemus. Nos igitur praedictis artis sutoriae magistris nostrique concivibus super ipsorum dispositione, unione et defectibus praemissis de remedio cupientes providere opportuno ut ipsi sua victualia copiosius habentes praedicta Coluswar profectuum ubertate munita manis percipiant incrementum et exinde uberiores servitiorum et honorum fructus regiae proveniant maiestati et signanter ea ratione quod ex quo praefati magistri artis sutoriae turrim atialem in antiquo castro versus portam et turrim Rapularum sitam per eorum sollicitudines cum armis bellicis, defendiculis, balistis²⁾, bombardis, necnon aliorum armorum ingeniis diligentius appositis partim eorum expensis et laboribus muniendo et fulciendo decorarunt, nos igitur hiis permoti rationibus in medio nostrae universitatis tales pro ipsis magistris facimus seu ordinavimus constitutiones infrascriptas perpetuae duraturas: Item singulis annis semper perpetuis et futuris temporibus sint quatuor²⁾ magistri chech duo Theutuni et duo Hungari; item si quis ad chech et in medium ipsorum intrare voluerit talis super sua genelogia²⁾ et doctrina artis a quo didicit si annum disciplinae compleverit famatoriam ut moris est in aliis civitatibus liberis et cum hoc propria manu sua artem sutoriae demonstrare et talis florenos quatuor ad chech, quatuor urnas virii, duas libras cerae et circulos pro decem denariis et illos quatuor florenos in quatuor temporibus post sese sequentibus dare teneatur et fideiussorem ponere debeat; item tempore convocationis si quis magistrorum tepidus fuerit et in hora commemorationis praesens non fuerit talis quinque denarios dare teneatur; item si quis magistrorum ab hac vita decesserit sine consors, alicuius magistri servus aut serviterum²⁾ vel prolis, extunc quatuor iuniores magistri teneantur fodere sepulcrum et universi fratres circa secundum pulsum in cimiterio parochialis ecclesiae interesse sub poena unius denarii deinde ad domum pro delatione funeris comuniter²⁾ accedere et ad offertorium sub poena unius denarii; item in susceptione alicuius magistri dummodo circulos decem denariorum pro fratribus dotulerit si quis rapturam fecerit poenam unius urnae vini incurrat; item si quid decretum et conclusum fuerit per quatuor magistros chech pro communi bono et huiusmodi decreto aliquis magistrorum oppositum tenuerit et contradixerit totiens quotiens fecerit in una libra cerae puniatur; item in die sacratissimi Corporis Christi si quis magistrorum ob sollennitatem²⁾ diei debito tempore in processione non fuerit antequam confraternitas de cimiterio processerit talis in una libra cerae puniatur; [S. 262] item nullus magistrorum calceos in fore vendere debeat nisi peracta processione alioquin magistri chech illos calceos recipere debeant; item infesto decem milium²⁾ militum³⁾ universi magistri teneantur esse in summa missa et in offertorio offerre ad altare sub poena unius librae cerae; item dum quatuor magistri chech claves alieni magistro dederint si quis contradixerit in poena unius librae cerae puniatur; item si quis magistrorum extraneis qui extra chech essent aliqued subsidium cum rebus pro artificio ipsorum aptis largierit totiens quotiens fecerit poenam unius urnae vini et unius librae cerae incurrat ; item si quis magistrorul decem cutes in domo cerdonis comparaverit et si tempore medio aliquis magistrorum supervenerit antequam cutes extra domum deportaverit et partem sibi dare negaverit tales in una libra cerae puniatur; item si quis magistrorum cantum cutes in domo cerdonis seu in foro emerit et si aliquis magistrorum partem sibi dare postulaverit et emens roganti non dederit partem, extunc de quolibet floreno unam libram cerae dare teneatur; item si quis magistrorum servum ad serviendum convenerit et se in alter utrum complacens talis servus ante spatium quartale unius anni dominum suum relinquere non valeat alioquin per annum labores habere non debeat sed se reconciliare cum magistris debeant; item si quis magistrorum ultra duos servos excepto iuvene tenuerit et alicuius servum alienaverit aut seduxerit talis amittat magisterium suum eo facto; item si quis servorum magistrum suum tempore messis et vindenii dimiserit talis in medio ipsorum per integrum annum labores habere non debeat; item nullus magistrorum aut famulorum valeat laborare vel labores suos exercere extra chech; item si quis mercatorum cutex paratas ad hanc civitatem causa vendendi portaverit extunc quilibet homo emendi habeat facultatem; item⁴⁾ si quis⁵⁾ mercatorum aut forensium cutes paratas ad hanc civitatem causa venditionis importaverit, extunc ipsi magistri sint liberi emere quantum voluerint pro eorum necessitate: item si quis magistrorum iuvenem causa cruditionis artis sutoriae susceperit, talis iuvenis ad chech unum florenum, duas urnas vini et pro decem denariis circulos dare teneatur; item⁶⁾ si quis magistrorum cutes vel pelles dealbare st facere vult quantum pro sua necessitate possit sit liber et easdem vendere possit; item quator magistri chech teneantur conspicere labores aliorum magistrorum ne falsificientur si quis autem secus fecerit extunc quatuor magistri cum potestate iudicis pro tempore constituti illos labores ad turrim ipsorum praedictam structuramque ipsius turris recipere debeant; item nullus magistrorum de cetero iuxta muros cimiterii valeat calceos vendere; item nullus magistrorum die fori ad falangam ultra viginti paria calceamentorum appendere valeat exceptis calceis puerilibus et si unum par superfuerit in una libra cerae puniatur. Nos itaque petitionibus praenominatorum magistrorum inclinati veluti iuri consonum agnoscendi tum pro utilitate civitatis nostrae tum etiam pro commodo ipsorum magistrorum ob respectum, tenorem praescriptorum articulorum praesentibus literis nostris privilegialibus de verbo ad verbum sine diminutione et augmento aliquali insertas quo ad omnes eorundem continentias clausulas articulosque acceptamus, approbamus et ratificamus ac insuper eosdem et omnia in eis contenta pro dictis magistris et confraternitatibus perpetuae valitura confirmamus praesentis scripti nostri. In cuius rei memoriam firmitatemque perpetuam praesentes litteras nostras privilegiales pendentis et autentici sigilli civitatis nostrae munimine roboratas eisdem duximus concedendas. Datum feria sexta proxima ante dominicam Invocavit, anno domini millesimo quadringentesimo octuagesimo primo.[S. 263]


1) Bis her verlängerte Schrift.^{^}
2) So Vorlage. [10x]^{^}
3) Juni 22.^{^}
4) Darüber und am Rande links NB.^{^}
5) Unterstrichen.^{^}
6) Von item bis possit unterstrichen.^{^}