Urkunde Nr. 226 aus Band I

Seite im UB:

159-160

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Mss. Varia I 2 (Mskr. Georg Jeremias Haner, Delineatio Historiae Ecclesiarum Transsylvanicarum)

Druckvorlage:

nach Abschrift

Abdruck als:

Volltext

Sprache:

Latein

---

226

Weissenburg 1289 Mai 30 ^a) Petrus, Bischof von Siebenbürgen, bezeugt, dass das Weissenburger Kapitel drei Theile des Mediascher Zehnten für vierzig Mark Silber jährlich den dortigen Pfarrern abgetreten hat.

[S. 160] Nos Petrus¹⁾ miseratione divina episcopus Transsiluanus²⁾ memoriae commendamus tenore praesentium significantes quibus expedit universis, quod tam inter fratres nostros de capitulo ex una parte et omnes sacerdotes de terra Medies ex altera materia quaestionis fuisset suscitata et exorta super decimis per eosdem fratres³⁾ nostros eisdem sacerdotibus venditis et dotatis, et ipsa causa aliquamdiu in praesentia nostri et apud sedem apostolicam fuisset ventilata. Tandem mediantibus probis viris et honestis videlicet domino Johanne⁴⁾ praeposito Cibiniensi et Johanne⁴⁾ priore⁵⁾ Albensi de ordine Praedicatorum et socio suo Nicolao Pictore tunc temporis eiusdem domus internunciis aliisque quam pluribus providis et discretis viris in talem pacis concordiam devenerunt,⁶⁾ quod iidem sacerdotes, videlicet Johannes⁷⁾ decanus de Buratholm,⁸⁾ Herritus de villa Richoinii,⁹⁾ Petrus de Musna, Herritus de Alma, Adam de villa Medies, Sefridus de Moro, Sibertus de villa Heclini, Nicolaus de villa Saros et Detricus de villa Kolx¹⁰⁾ cum socio suo nomine Hanselmo obligaverunt se et assumpserunt coram nobis, solvere quadraginta¹¹⁾ marcas argenti decimae combustionis cum pondere terrestri, quibus in solidum, in perpetuum tam ipsi, quam eorum successores, quam ecclesiae eorundem, exceptione aliqua¹²⁾ non obstante, pro tribus partibus decimarum de terra Medies fratribus nostris memoratis scilicet¹³⁾ in frugibus, et¹⁴⁾ vinis, in apibus et in¹³⁾ agnellis debitarum, in tribus terminis infra scriptis, de quibus videlicet quadraginta marcis in vigilia sancti Michaelis Albae solvere debent decem marcas, in quindenis sancti Martini quindecim marcas et in¹³⁾ quindenis purificationis beatae virginis residuas quindecim marcas. Hoc adiecto quod, si quis praedictorum sacerdotum omiserit aliquem terminum solutionis negligens et remissus, tertio die ipsius omissi termini ipso iure atque facto sit suspensus de decimis et ecclesia eiusdem ecclesiastico sit supposita interdicto usque ad plenam et condignam satisfactionem. In cuius rei testimonium ad utriusque partis petitionem literas praesentes concessimus sigilli nostri munimine roboratas, et ad maiorem cautionem atque robur perpetuae firmitatis memorati sacerdotes sigillum capituli nostri praesentibus apponi petierunt. Datum Albae, in crastino Pentecostes, anno domini M. CC. octogesimo nono.


a) Jakó und Dinca - Kovács, Ergänzungen 139 statt: Mai 28. Das Pfingstfest war 1289 Mai 29.^{^}

1) Haner: pro.^{^}
2) Haner und Fay: Transylvaniensis.^{^}
3) Fay: fratres eosdem.^{^}
4) Fay: Joanne.[2x]^{^}
5) Haner: priori.^{^}
6) Fay: devenerunt pacis concordiam.^{^}
7) Fay: Joanne.^{^}
8) Fay: Bürtholm.^{^}
9) Fay: Henricus.^{^}
10) Fay: Kolps.^{^}
11) Haner und Fay: quadragintas.^{^}
12) Fay: qualibet.^{^}
13) Fehlt bei Fay. [3x]^{^}
14 ) Fay: in.^{^}