Urkunde Nr. 225 aus Band I

Seite im UB:

158-159 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

225

Kronstadt 1288 Oktober 27 König Ladislaus IV. setzt das siebenbürgische Bisthum in den Genuss des Zehnten von Ugocsa wieder ein. [S. 159]

Nos Ladislaus dei gratia rex Hungariae memoriae commendantes significamus quibus expedit universis, quod secundum sententiam iudicii nostri magister Regulus et Paulus decanus plebanus de Apold canonici Albenses feria tertia proxima post festum beati Lucae evangelistae coram eodem capitulo praesente discreto viro Johanne praeposito Scebiniensi et comite Petro filio Samsonis hominibus nostris contra magistrum Kopoz comitem de Vgacha sacramentum praestare debuissent super eo, quod nec per dominum Belam, nec per dominum Stephanum, nec per aliquem vel per aliquos illustres reges Hungariae pro decimis dicti districtus Vgacha concambium aliquod episcopatui Transsiluano ullo umquam tempore sit collatum vel donatum. Postmodum iidem Johannes praepositus Scebiniensis et comes Petrus per literas suas nobis rescripserunt, quod iidem magister Regulus et Paulus decanus ad locum sacramenti ipsis praesentibus accedentes, in termino praenotato praesente comite Nicolao filio Andreae homine dicti magistri Kopoz ipsum iuramentum recipientes dictum sacramentum praestitissent modo superius annotato. Nos igitur, cui interest unumquemque et maxime ecclesias dei in regno nostro existentes in suis iuribus conservare et singulis in sua iustitia reddere iustitiam, ipsas decimas de Vgacha, quas dictus magister Kopoz modo praetacto suggesta falsitate et suppressa Teritate a nobis sibi dari postularat, reddidimus et restituimus dicto episcopatui Transsiluano cum omni integritate secundum quod aliae decimae in diocesi dicti episcopatus pro eodem episcopatu exigi consueverunt ab antiquo, perpetuum silentium dicto magistro Kopoz vel alicui alteri super facto dictae decimae imponentes. Et ne per quempiam processu temporum valeat in irritum revocari, auctoritate praesentium duximus confirmandum. Datum in Braso, in vigilia apostolorum Symonis et Judae, anno domini millesimo ducentesimo octogesimo octavo.


a) Seitenumbruch nach Kopfregest.^{^}