Urkunde Nr. 4376 aus Band VII

Seite im UB:

250-252

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 217 - Abt. 13: K. A. Mediasch [Parohia Ev. CA Mediaş], Nr. 28 (alt Nr. 51).

Druckvorlage:

nach Original

Abdruck als:

Volltext

Sprache:

Latein

---

4376

Mediasch 1480 Dezember 10 Die Richter und Geschworenen der zwei Stühle Mediasch und Schelk schalten die Urkunde König Matthias' von 1475 Nr. »4053 ein und sprechen das in Frage stehende Eckhaus in der Forkeschgasse zu Mediasch für zwanzig Gulden dem Petrus Cirotecarius zu.

[S. 251] Nos iudices et iurati seniores duarum sedium Saxonicalium Megyes et Seelk vocatarum memoriae commendamus significantes tenore praesentium quibus expedit universis, quod nobis die datarum praesentium in sede nostra solito nostro more pariter consedentibus nostram accedentes praesentiam prudentes et circumspecti viri, iudex, villicus et iurati cives opidi Megyes tales coram nobis ad fidem ipsorum deo debitam fecerunt fassiones, quod ipsi domum acialem cum suo fundo curiae in platea Furkasii vocata in praefato opido Megyes sita versus similiter domum acialem providi Michaelis Aurifabri ad meridionalem ab occidentali vero condam circumspecti Anthonii Frenckel directe opposita platea tamen publica mediante ab occidentali vero plagis ubi ad theatrum sive circulum itur domu discreti Laurencii Comperman contigue situata iam ad minus vigintiquinque annis vel citra deserta vacua et sine inhabitatoribus fuisset in deornationem praefatae plateae Furkasii ac dedecus totius opidi Megyes manifestum. Postremum tectis praefatae domus testudinibus, trabibus cunctisque edificiis decidentibus et muris funditus ruptis et ruinam minantibus septis quoque ipsius curiae omnino dissolutis ut liber progressus ac publica stata cunctis etiam advenis per eam pateret multo tempori et annis quoque multis patuisset. Et dum census et contributiones atque taxae regiae pro suo tempore dari et persolvi opus fuisset, non erat qui pro ipsa domo et curia deponeret et exolveret. Sed ipsos cives de Megyes omne onus ipsius domus suffere opportuisset. Et dum circiter vigint florenos pro ipsa domo in censum regnium et contributiones exposuissent Insuper eadem domus ratione stipendiorum laborum et interesse communitatis praefato opido plusquam in sexaginta florenis fuisset et remaneret obligata nec haberent unde cives huiusmodi satisfactionem reciperent debiti, tandem a regia maiestate literas gratiosas impetrassent huiusmodi sub tenore (Folgt die Urkunde von König Matthias 1475 Nr. »4053). Quas cum litteras regias decenti honore accedissent et secundum omnem tenorem et singulas earum clausulas mature fecissent. Nobiles in ipsis literis contentis et eorum fratres monuissent nec fuissent qui domun aedificarent neque contributiones aut census regiae maiestati pro ipsa domo dare curavissent. Ac ipsi cives praefati praetextu gravamen contributionum regis et regalium censuum exercitantium stipendiorumque et laborum rei publicae ab ipsa domo et curia debendorum ultra sufferre non potuissent neque voluissent post legitimas et saepissimas monitiones ad illos quorum intererat factas praefatam domun cum suo fundo curiae et suis legitimis veris et consuetis terminis in censum et contributionum regiae maiestati a praefata domo debitam circumspecto Petro Cirotecario protunc iurato civi opidi Megyensis regia in hoc auctoritate et licentia functi pro florenis auri viginti ad certum et competentem terminum impignorassent tali sub conditioni, quod si nobiles ad quos ipsa domus hereditariae successisse dicitur infra huiusmodi terminum¹⁾ competentem²⁾ iam dicto Petro Cirotecario praefatos viginti florenos deponet. Atque etiam debitam de ipsa domo solutionem praefato opido Megyes obnoxiam satisfacerent et secundum mandatum regiae maiestatis aedificarent, alioquin praefatus Petrus Cirotecarius ipsam domum cum fundo curiae pro praefatis viginti florenis in censum et contributionem regiam expositis propriam haberet, possideret et suo beneplacito eas pleno dominio uti posset. Praeterea cum praefati cives ipsam domum taliter ut praemittitur secundum ius patrium et regni consuetudinem impignorassent et nobiles quorum intererat per solemnos nuntios³⁾ mature ammonuissent, ut domum impignoratam liberarent et aedificarent, sed sicut nec ante sic neque postea aliquis cui cura de ipsa domo essent inventas. Tandem longe post saepedictus Petrus Cirotecarius praefatos iudicem, villicum et cives iuratos de Megyes personaliter adiisset debitaque cum instantia eos petivisset, quatenus cum de praefata domo et [S. 252] fundo curiae certiorem possessorem pro praefatis viginti florenis quos ad regiam contributionem, ut praefertur, pro ipsa domo dedisset et exposuisset instituerent et plenum in eam domum conferent dominium, praefati itaque iudex, villicus et iurati cives regiae serenitatis perpendentes auctoritatem mandatumque eius et literatorie scripto ac septem et duarum sedium Saxonicalium laudabili vetusve consuetudine obtemperare cupientes saepenominato Petro Cirotecario suisque heredibus et consanguineis universis praefatam domum et fundum curiae cum omnibus suis, ut praemittitur, legitimis terminis iuribus et libertatibus universis pro praefatis viginti florenis pleno et perpetuo iure apropriaverunt, deberunt et vendiderunt irrevocabiliter reaedificandum, possidendum, tenendum, alienandum et pro sua utilitate et voluntate utendum, eundem contra quoslibet pro ipsa domo impetitores tuendum et defendendum promittentes vigore literalium regalium mediante. In cuius rei testimonio sigillo nostro fecimus consignari. Datum in Megyes feria secunda ante Thomae apostoli, anno eiusdem millesimo quadringentesimo octuagesimo.


1) Erster Buchstabe aus h gebessert.^{^}
2) Vorlage nunccios.^{^}
3)Vorlage compendentem.^{^}