Urkunde Nr. 4369 aus Band VII

Seite im UB:

247-248

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 717/1.

Druckvorlage:

nach Original

Abdruck als:

Volltext

Sprache:

Latein

---

4369

Mediasch 1480 September 13 Der Woiwode Stephan Báthori ersucht den Konvent von Kolozsmonostor bei der Einführung des Paul Horwath, Kastellan von Unguraş, seiner Frau und seiner Söhne in den Besitz von Fägendorf, Lunca, Lederman u. a. mitzuwirken.

Amicis suis reverendis conventui ecclesiae de Colosmonostra comes Stephanus de Bathor vaivoda Transsilvanus necnon iudex curiae serenissimi principis domini Mathiae dei gratia Hungariae, Bohemiae et cetera regis amicitiam paratam cum honore. Dicitur nobis in personis egregii Pauli Horwath, castellani castri Bolwanyos et nobilis dominae Brigida vocatae consortis necnon Gasparis, Michaelis et Pauli filiorum eiusdem Pauli Horwath, quomodo ipsi in dominium triginta sex sessionum iobagionalium populosarum et desertarum egregii Sebastiani, filii condam Tohannis Orzagh de Gwth, in possessione Mykezaza necnon medietatis silvae in territorio eiusdem possessionis, item totalium possessionum Tothfalw, Lodormaan, Bykes et Kezler vocatarum omnino in comitatu de Kykwllew existentibus habitarum ipsos exponentes ex legittima impignoratione praefati Sebastiani titulo pignoris concernentibus legittime vellent introire. Super quo vestram amicitiam praesentibus petimus diligenter, quatenus vestrum mittatis hominem pro testimonio fidedignum. Quo praesente Georgius aut Gregorius vel Valentinus de Hozywazo sive Albertus de Syle, allis absentibus, homo noster, ad facies praedictarum possessionum Mykezaza, Thothfalw, Lodorman, Bykes et Keezleer vocatarum consequenterque praescriptarum triginta sex sessionum iobagionalium populosarum et desertarum¹⁾ in ipsa possessione Mykezaza habitarum necnon medietatis silvae in territorio eiusdem possessionis Mykezaza sitae, vicinis et commetaneis earundem universis inibi legittime convocatis et praesentibus accedendo introducat praefatos exponentes in dominium earundem possessionum ac triginta sex sessionum iobagionalium mediatisque silvae praedictae statuatque easdem²⁾ eisdem simulcum cunctis ipsarum utilitatibus et pertinentiis quibuslibet praemisso pignoris titulo ipsis incumbentis³⁾ possidendas, si non fuerit contradictum. Contradictores vero si qui fuerint, evocet eosdem contra annotatos exponentes nostram in praesentiam ad terminum competentem ratione contradictionis eorum reddituros. Et post haec huiusmodi introductionis et statutionis seriem cum contradictorum et evocatorum, si qui fuerint, vicinorumque et commetaneorum qui praemissae statutioni intererunt nominibus ac termino consignato ut fuerit expediendum nobis suomodo rescribatis. Datum in opido Meggyes feria quarta proxima ante festum exaltationis sanctissimae crucis, anno domini millesimo quadringentesimo octuagesimo. [S. 248]

Auf der Rückseite Adresse: Amicis suis reverendis conventui ecclesiae de Colosmonostra pro egregio Paulo Horwath castellano castri Balwanyos ac nobili domina Brigida vocata consorta necnon Gasparo, Michaele et Paulo filiis eiusdem Pauli Horwath introductoria et statutoria.


1) Folgt necnon medie gestrichen.^{^}
2) Folgt et eandem gestrichen.^{^}
3) Folgt perpetuae gestrichen.^{^}