Urkunde Nr. 4366 aus Band VII

Seite im UB:

245-246

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 12.

Druckvorlage:

nach Original

Abdruck als:

Volltext

Sprache:

Latein

---

4366

Ofen 1480 Juni 22 König Matthias befiehlt allen Zollbesitzern und Zolleinnehmern von Ungarn, die Kaufleute von Hermannstadt Schässburg, Mühlbach und der übrigen Orte in den Sieben Stühlen in ihrem Recht auf Zollfreiheit nicht zu beeinträchtigen und trägt dem siebenbürgischen Woiwoden Stephan Báthori auf, sie darin zu schützen.

Mathias dei gratia rex Hungariae, Bohemiae et cetera fidelibus nostris universis et singulis praelatis, baronibus, comitibus, castellanis nobilibus ipsorumque officialibus, nec non civitatibus, oppidis et villis ac earundem rectoribus, iudicibus et villicis nec non alterius cuiusvis status, conditionis et dignitatis hominibus tributa seu thelonia habentibus ipsorumque tributorum exactoribus nostrisque regiis atque reginalibus tam in praetaeto regno nostro Hungariae quam in partibus nostris Transsilvanis ubivis constitutis et existentibus praesentium notitiam habituris salutem et gratiam. Gravem querelam pro parte fidelium nostrorum universorum et singulorum Saxonum civium mercatorum et inhabitatorum tam Cibiniensium, Segesvariensium et Sazsebes, quam aliarum civitatum, oppidorum et villarum septem sedium Saxonicalium praetactarum partium Transsilvanarum maiestati nostrae oblatam accepimus continentem. Quod licet ipsi eorum quilibet per divos reges Hungariae et praesertim Geysam, Andream, Carolum, Ludovicum, Sigismundum et Albertum reges felicium recordationum praedecessores nostros ab omni solutione tributorum seu theloniorum in perpetuum exempti sint et libertati habeantur. Tamen forent nonnuili ex vobis, qui dum iidem pro victuum suorum necessario quaestu diversa regni climata perlustrantes ad vos et huiusmodi tributorum loca cum rebus et bonis ipsorum mercimonialibus pervenerint, ab ipsis alibi tributum ipsum, alicubi vero munera equivalentia aut maiora tributo exigerent et extorqueri facerent atque diversis calumniis impositis eos graviter molestarent continue vexarentque et damnificarent in derogamen et oppressionem praetactae antiquae libertatis et iurium ipsorum valde magnam. Supplicatum itaque extitit maiestati nostrae nominibus et in personis quorum supra, ut ipsis superinde de remedio providere dignaremur opportune. Cum autem nos praedictos Saxones nostros in ipsorum antiquis libertatibus et iuribus per praenominatos divos reges ipsis et per nostram quoque maiestatem roboratis ab omnibus subditis et regnicolis nostris inviolabiliter manutenere velimus, fidelitati igitur universitatis vestrae et vestrum cuilibet firmiter praecipimus et mandamus. quatenus a modo imposterum dum et quando [S. 246] ac quotienscumque praefati mercatores cives et inhabitatores dictarum civitatum, oppidorum et villarum septem sedium Saxonicalium aut eorum aliqui ad vos et loca tributorum seu theloniorum huiusmodi pervenerint, ab eis aut ipsorum quopiam rebusque et bonis ipsorum mercimonialibus tributum aut munera seu aliam quamcumque solutionem petere ac exigere ac peti et exigi facere, et item eos vel ipsorum quempiam propterea calumniose impedire, molestare et dampnificare aut impediri dampnificari facere nullo unquam tempore praesumatis. Alioquin comisimus et praesentium serie dictrictius mandantes committimus fidelibus nostris magnifico comiti Stephano de Bathor iudici curiae nostrae regiae et vaivodae praetactarum partium nostrarum Transsilvanarum, et successoribus suis vaivodis et eorum vicevaivodis nec non comitibus vel vicecomitibus et iudicibus nobilium illorum comitatuum, in quibus fortasse mandatis et literis nostris huiusmodi contravenire praesumserint, ut ipsi comperta superinde mera certitudinis veritate omnes et singulos renitentes ad id per omnia opportuna remedia et gravamina eorum et si opus fuerit etiam per occupationem ipsius tributi maiestati nostrae fiendi artius compellant et astringant auctoritate nostra regia praesentibus eis in hac parte attributa et iustitia mediante. Aliud ergo non facturi. Praesentes autem quas secreti sigilli nostri, quo ut rex Hungariae utimur, appensione communiri fecimus prout ubique reddi iubemus praesentanti. Datum Budae feria quinta proxima ante festum nativitatis beati Iohannis baptistae, anno domini millesimo quadringentesimo octogesimo regnorum autem nostrorum anno Hungariae et cetera vigesimo tertio, Bohemiae vero duodecimo.

Ad relationem Urbani praeposito thesaurarii regii.