Urkunde Nr. 4284 aus Band VII

Seite im UB:

199-200

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 388.

Druckvorlage:

nach Original

Abdruck als:

Volltext

Sprache:

Latein

---

4284

Ofen 1478 November 9 König Matthias beauftragt den Magister Johannes de Feleghaz, festzustellen, welche Geldbeträge der verstorbene Woiwode Johannes Pongracz von den Sachsen Mühlbachs und seines Stuhles an ausserordentlichen Abgaben für sich erpresst hat.

Nos Mathias dei gratia rex Hungariae, Bohemiae et cetera memoriae commendamus per praesentes, quod cum generosa domina Elizabeth vocata, reliqua quondam magnifici Iohannis Pangracz de Dengelegh alias vaivodae partium nostrarum Transsilvanarum, exhibitione quarundam duarum literarum, unius nostrae Budae secundo die festi beati Michaelis archangeli¹⁾ anno domini millesimo quadringentesimo septuagesimo primo, regni nostri anno quartodecimo, coronationis vero octavo super impignoratione castris Kykellewar et oppidi Zazsebes ac eorundem pertinentiarum per nostram maiestatem pro parte eiusdem condam Iohannis vaivodae facta, ad commissionem nostram condam magnifico Iohanne Ernusth thesaurario referente, patenter secreto sigillo nostro emanatae, alterius vero capituli ecclesiae Albensis Transsilvanae statutoriae vigesimo die secundi diei festi inventionis sanctae crucis²⁾ in anno domini millesimo quadringentesimo septuagesimo secundo super legitima statutione eorundem castris Kykellewar ac oppidi Zazsebes et pertinentiarum eorundem privilegialiter confectae nobis in eo, ut dicta castrum Kykellewar et oppidum Zazsebes cum universis pertinentiis eorundem in eisdem partibus nostris Transsilvanis habita, quae alias praefato condam Iohanni vaivodae per nostram maiestatem pro viginti millibus florenorum auri impignerata fuissent, universi Saxones septem sedium Saxonicalium earundem partium manu potenti insurgentes dictum oppidum Zazsebes et pertinentias eiusdem a manibus suis occupassent, conquesta fuisset querulose. Tunc circumspecti Michael Literatus magister avium Segesvariensis et Benedictus Carnifex, civis civitatis nostrae Cibiniensis, coram nostra constituti maiestate in eorum ac cetetorum universorum Saxonum nominibus et personis lamentabiliter delegere curaverunt in hunc modum. Quod licet nos praedicta castrum et oppidum cum suis pertinentiis alias dicto condam Iohanni vaivodae pro praescriptis viginti milibus florenorum auri cum suis solitis censibus et proventibus pignori inscripserimus, tamen idem quondam Iohannes vaivoda, vita sibi comite, plus quam quatuordecim milia florenorum auri per diversarum taxarum et censuum impositiones superipsos Saxones recipi et extorqueri fecisset, propter quod eidem Saxones in nimiam devenissent paupertatem. Hoc autem et id facta connumeratione huiusmodi censuum et taxarum evidentibus documentis possent comprobare. Hiis itaque propositis et per nos sane intellectis, cum nos dicta castrum et oppidum [S. 200] ac eorundem pertinentias tantummodo cum solitis censibus et proventibus eorundem et non cum taxis extraordinariis eidem condam Iohanni vaivodae inscripsisse recolamus. Propterea omnem illam summ am florenorum auri, quam ipse quondam Johannes vaivoda hocmodo super ipsos Saxones extorscissct, in sortem et numerum dictorum viginti milium florenorum auri computare volumus et de eisdem defalcabimus. Huius igitur rei causa misimus fidelem nostrum magistrum Iohannem de Feleghaz aulicum nostrum in medium eorundem Saxonum, ut ipse comperta veritati praemissorum et fide mediante ab eisdem testibus, qui fuerint, exquirendo omnem illam summam florenorum auri, quam per impositiones extraordinarium taxarum idem condam Johannes vaivoda ab eisdem Saxonibus pro se extorqneri fecisset fideliter connumerare et registrare nobisque ad vigesimum quintum diem festi Epiphaniarum domini proxime venturum³⁾ importare debeat et teneatur, ut nos, visa et cognita quantitate huiusmodi summae florenorum auri extortorum, super redemtione dictorum castri et oppidi ac eorundem pertinentiarum fidem faciemus congruentem. Datum Budae feria secunda proxima ante festum beati Martini episcopi et confessoria, anno domini millesimo quadringentesimo septuagesimo octavo.

Auf der Rückseite gleichzeitig: Calculatio taxarum extraordinariarum super pertinentiis Zaszschebesch per Pangracz receptarum.


1) September 30.^{^}
2) Mai 23.^{^}
3) Januar 30.^{^}