Urkunde Nr. 4281 aus Band VII

Seite im UB:

197

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Urkunde D 14.

Druckvorlage:

nach Original

Abdruck als:

Volltext

Sprache:

Latein

---

4281

Ofen 1478 Oktober 27 König Matthias ordnet an, daß die Gemeinden Feiurdeni und Feleac mit Klausenburg zusammen Steuern zahlen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera, fidelibus nostris dicatoribus et exactoribus taxarum nostrarum in partibus regni nostri Transsilvanis constitutis, salutem et gratiam. Exponitur maiestati nostrae in personis fidelium nostrorum circumspectorum iudicis et iuratorum ac totius communitatis civitatis nostrae Coloswariensis, qnod licet quaedam duae possessiones ipsorum exponentinm Feyerd, quae per nostram maiestatem ob memoriam felicis nativitatis nostrae in eadem civitate nostra facta ipsis donata existit ac Felek vocatae, consequenterque iobagiones in eisdem commorantes semper et ab antiquo non in taxam quae generaliter in partibus illis dicari et exigi solet sed in illam taxam quae ad ipsos cives nostros imposita fuerit: solvere et dicari soliti fuerint, prout etiam hactenus solverint, tamen vos non curata huiusmodi eorum consuetudine ipsos etiam in taxa generali instar aliarum possessionum dicare velitis, in praeiudicium libertatis et consuetudinis ipsorum non parvum, supplicatum itaque extitit per maiestatem nostram sibi superinde de remedio provideri. Unde nos, volentes ipsos cives nostros in eorum antiquis consuetudinibus conservari, mandamus igitur fidelitati vestrae firmiter, aliud habere nolentes, quatenus, receptis praesentibus praefatas duas possessiones ipsorum exponentium in taxa in partibus illis generaliter dicari solita nullo modo dicare neque ipsos propterea impedire praesumatis sed easdem possessiones in antiquis eorum consuetudinibus pacifice conservare debeatis, et aliud facere non audeatis. Et hoc volumus etiam per futuros dicatores illarum partium firmiter observari. Praesentibus perlectis exhibenti restitutis. Datum Badae in vigilia festi beatorum Simonis et Judae apostolorum, anno domini millesimo quadringentesimo septuagesimo octavo, regnorum nostrorum Hungariae et cetera anno vicesimo primo, Bohemiae vero decimo.