Urkunde Nr. 4271 aus Band VII

Seite im UB:

190-191

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

4271

Ofen 1478 September 1 König Matthias verbietet Nikolaus de Therem, Kastellan der Kokelburg, von den Bewohnern von Wölz nach den ihnen abgetretenen, auf Kokelburger Gemarkung liegenden Weingärten den Weinneunten einzuheben.

Mathias dei graiia rex Hungariae, Bohemiae et cetera fidelibus nostris egregio Nicolao, filio Sixti de Therem, castellano castri Kykellewar eiusque vicecastellanis salutem et gratiam. Exponitur maiestati nostrae in personis fidelium nostrorum universorum civium et inhabitatorum possessionis nostrae Welcz, quolibet alias temporibus divorum regum Hungariae, nostrorum scilicet praedecessorum, quoddam promontorium de territorio oppidi Kykellewar sub metis Waydenhwl et Margthwegen vocatis usque ad fossatum Sospathak cum tali limitattione ad praefatam possessionem nostram annexum fuerit et applicatum, quod cives et inhabitatores ipsius possessionis nostrae castellanis dicti castri Kykellewar pro tempore constitutis decies centum denarios pro tempore currentes et duo vasa vinorum cubulorum octoginta ac ecclesiae de eodem oppido quadraginta libras cerae et quatuor modrata avenae singulis annis solvere deberent et tenerentur. Tamen vos ex quo vineas in ipso promontorio multiplicatas esse videretis, ipsos in dicta limitatione et consuetudine eorum impediretis; et super eisdem ex quo literas super huiusmodi limitatione pro se confectas, quas alio tempore combustionis ipsius possessionis nostrae igne consumptas esse asserunt nobis exhibere non potuissent, nonas vinorum in ipso promontorio procreandorum recipere niteremini in praeiudicium limitationis praefatae et consuetudinis non modicum. [S. 191] Unde nos accepta supplicatione ipsorum exponentium maiestati nostrae propterea facta, nolentes ipsos in eorum consuetudinibus per vos quoquomodo impediri, mandamus fidelitali vestrae harum serie firmiter, quatenus receptis praesentibus, si res sic habet, prout maiestati nostrae expositum est, receptis et rehabitis a praefatis exponentibus limitationibus praefatis eosdem ad solutionem aliquarum nonarum ratione vinorum in dicto promontorio procreandorum arctare et compellere aut eos propter non solutionem earundem in personis rebusque et bonis eorum impedire, molestare seu damnificare non debeatis nec sitis ausi modo aliquali. Praesentibus perlectis exhibenti restitutis. Datum Budae in festo beati Egidii abbatis, anno domini quadringentesimo¹⁾ septuagesimo octavo, regnorum nostrorum Hungariae et cetera anno vicesimo primo, Bohemiae vero decimo.


1) Vorlage quadragentesimo. ^{^}