Urkunde Nr. 4241 aus Band VII

Seite im UB:

171-172

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 504 - Abt. 13: K. A. Heltau [Parohia Ev. CA Cisnadie], Nr. 15.

Druckvorlage:

nach Original

Abdruck als:

Volltext

Sprache:

Latein

---

4241

1478 April 14 Das Weissenburger Kapitel beglaubigt die Entscheidung des Generalauditors Thomas von 1476 Nr. »4097, der zufolge die Gemeinde Heltau im Besitz der Michelsberger Bergkirche verbleibt.

Nos capitolum ecclesiae Albensis Transsilvanae memoriae commendamus, quod venerabilitatis¹⁾ et egregietatis vir dominus Matheus decretorum doctor, cantor, canonicus, plebanus de Helthaw vicariusque dictae ecclesiae in spiritualibus et causarum auditor generalis nostram personaliter veniens in praesentiam exhibuit nobis et praesentavit quasdam literas tenorem seriem et formam cuiusdam sententiae diffinitivae felicis quondam venerabilem et egregium Thomam, artium et decretorum doctorem canonicum et similiter vicarium in spiritualibus memoratae ecclesiae generalem ac per reverendissimum in Christo patrem et dominum, dominum Gabrielem dei et apostolicae sedis gratia eo tunc episcopum eiusdem ecclesiae Transsilvanae cancelliarumque regiae maiestatis ac dictae sedis in regnis Hungariae, Bohemiae et cetera inque locis et terris temporali dominio eiusdem regiae maiestatis subiectis cum potestate legati de latere legatum, iudicem delegatum et specialiter deputatum, latae iudicialiter et promulgatae cirographo manuum propriarum cuiusdam Michaelis Literati nati pendentis Johannis similiter Literati Bontha cognomine conscriptam et confectam de quo nobis satis manifesta paruit evidentia veritatis atque fides indubia, pro tunc notarii oficii vicariatus antefati in causaque inter ipsum dominum Matheum, decretorum doctorem ut actorem et principalem ex una, quae vertebatur, necnon discretum Nicolaum, plebanum de monte sancti Michaelis, ac Blasium Knoff, Valentinum Hyrch, Stephanum Budner, Johannem Hoes et Georgium Wener suos parochianos veluti reos et in causam attractos similiter principales ex alia partibus ratione et praetextu subiectionis cuiusdam capellae in ipso monte sancti Michaelis fundatae ad ipsius Mathei decretorum doctoris ecclesiam parochialem et cetera supplicantes nobis debita cum instantia, quatenus nos eiusdem sententiae diffinitivae tenorem et seriem de verbo ad verbum in nostras literas patentes transscribi et transsumpni facere ipsigne decernere dareque dignaremur, easdem ab sui [S. 172] iuris et ecclesiae suae uberiorem ad cautelam. Cuius tenor is est: (Folgt die Urkunde des Generalauditors Thomas von 1476 Nr. »4097). Nos²⁾ igitur²⁾ praemissis petitionibus dicti domini Mathei decretorum doctoris per eum nobis ablatis ut praemittitur, iustis et legitimis favorabiliter inclinati tenorem et continentiam praescriptae sententiae definitivae de verbo ad verbum sine diminutione et augmento aliquali praesentibus literis nostris inseri et transscribi facientes, utque eodem nostrae literae transsumptionis ubique ad quorum pervenirent notitiam robor obtineant firmitatis atque plena fides adhibeatur necnon earum viribus suffragetur veritas easdem appensione sigilli nostri authentici munimine roboratas eidem nostrae ecclesiae duximus concedandae. Datum decima quarta die mensis Aprilis, anno domini millesimo quadringentesimo septuagesimo octavo.

Auf der Plica von anderer Hand: Nos Paulus de Heltha canonicus Albensis Surrogatusque Albensis Transsilvanae praesentibus fidem facimus cum haec ita agerent in sede iudiciaria et sententia lata fuisset praesens finimus et omnia eo ordine, quo haec rem conscriptae sunt audivimus et vidimus praesenti nostro cyrographo testimonio necnon sigillo nostro, quo utimur, mediante et cetera.


1) Bis hierer in verlängerter Schrift.^{^}
2) In verlängerter Schrift. [2x]^{^}