Urkunde Nr. 4239 aus Band VII

Seite im UB:

170

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 46.

Druckvorlage:

nach Abschrift

Abdruck als:

Volltext

Sprache:

Latein

---

4239

Ofen 1478 März 31 König Matthias stellt dem Kaufmann Martinus Karcz aus Räckeve. einen Geleitbrief aus.

Mathias dei gratia rex Hungariae, Bohemiae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus, item civitatibus, oppidis et villis earumque rectoribus, iudicibus et villicis regni nostri Hungariae et partium Transsiluana rum praesentibus visuris, salutem et gratiam. Cum iusti pro iniustis et innoxii pro reorum excessibus non debeant quoquomodo impediri fidelitati igitur vestrae et cuilibet vestrum harum serie firmissime praecipimus et mandamus, quatenus dum et quando ac quotienscumque fidelis noster circumspectus Martinus Karcz, civis et inhabitator oppidi nostri Kewy aut homines seu familiares sui, praesentiarum scilicet ostensores pro victuaum¹⁾ suorum necessaria acquisitione diversas partes regni nostri perlustrantes cum rebus et mercibus suis ad vestras terras, tenutas, possessiones et officiolatus ac vestri in medium pervenerint, extunc eundem Martinum ac homines et familiares suos praefatos in personis ad quorumvis instantiam iudicari vel vestro astringere iudicatui compellere, resque et bona ipsorum mercimonialia arestari seu prohiberi facere nusquam et nequaquam praesumatis nec sitis ausi pro debitis, delictis seu excessibus aliorum. Si qui enim quascumque actiones vel quaestiones contra praefatum Martinum Karcz aut homines et familiares suos praetactos habent vel habuerint hii id in praesentiam iudicis et iuratorum civium dicti oppidi nostri Kewy iuridice prosequantur, ex parte quorum videtur omni contra eum²⁾ quaerulanti meri iuris et iustitiae ac debite satisfactio complenitum impendere et exhibere tenebuntur prout dictabit ordo iuris. Ubi vero quispiam ex vobis secus in praemissis facere attemptaverit, ex tunc serie praesentis committimus fidelibus nostris comitibus vel vicecomitibus et iudicibus³⁾ illorum nobilium comitatuum in quibus fortasse huiusmodi mandata nostra non observarentur, ut ipsi scita prius mera veritate vos et vestri quisque ad praemissa facienda et observanda non sine dampnis et gravaminibus vestri in talibus fieri solitis arctius compellant et astringant auctoritate nostra ipsis in hac parte attributa et iustitia mediante. Secus non facturi. Praesentibus perlectis exhibenti restitutis. Datis Budae feria tertia proximma post dominicam Quasimodogeniti, anno domini M^o /CCCC/⁴⁾ LXXVIII, regnorum nostrorum Hungariae et cetera anno vigesimo primo, Bohemiae vero no/no/⁵⁾. [S. 170]


1) Vorlage victum.^{^}
2) Lesung unsicher.^{^}
3) Vorlage iudicisbus. ^{^}
4) Lücke 12 mm.^{^}
5) Lücke 15 mm.^{^}