Urkunde Nr. 209 aus Band I

Seite im UB:

148-149 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 378.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

209

Grosswardein 1285 August 7 Bartholomeus, Bischof von Grosswardein, spricht die Zoll- und Marktgefälle von Olazy, Neudorf und Sankt-Lorenz dem Grosswardeiner Kapitel zu.

Nos Bartholomeus miseratione divina episcopus Waradiensis significamus omnibus quibus expedit memoriae commendantes, quod capitulum ecclesiae nostrae fratres nostri contra villicos et populos nostros de Olazy, de Nova villa et de sancto Laurencio personaliter astantes egerunt in figura iudicii coram nobis proponendo, quod cum universi homines cum mercibus suis ipsam civitatem nostram de Olazy, Novam villam et de sancto Laurencio ingredientes tributa eis de quibuslibet rebus mercimonialibus ab antiquo consueta in hospitiis eorum ubicumque descenderent, dare et solvere sicuti in die fori sic et in aliis diebus debuissent, praefati populi et villici nostri²⁾ tributarios eorum a iusta exactione huiusmodi tributorum inhibuissent. E converso autem ipsi villici et populi nostri responderunt, quod praedicta tributa numquam fuerunt consueta nec ullo umquam tempore tributarii eorum ea exegissent. Unde nos auditis partium propositionibus et intellectis et partibus assumentibus decrevimus, quod tres personae de capitulo videlicet magister Emericus lector, magister Franciscus archidiaconus Byhoriensis [S. 149] et magister Jonas, quos saepe dicti villici et populi nostri sponte elegerunt super assertione sua praescripta feria secunda videlicet in festo beati Barnabae apostoli coram comite Nicolao officiali nostro praestarent sacramentum. Ipso itaque die sacramenti partibus in loco sacramenti comparentibus ipsi villici et populi nostri praedictorum fratrum nostrorum noluerunt accipere iuramentum.¹⁾ Igitur nos praedicta tributa dictis fratribus nostris quemadmodum in quaestionem deducta fuerunt pacifice possidenda finaliter reliquimus et sententialiter decrevimus eisdem ea plenarie ministrari. Datum Waradini, feria tertia proxima ante festum beati Laurencii martyris, anno domini millesimo ducentesimo octuagesimo quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 148 (1 zu voranstehender Urkunde), 1 auf S. 149.^{^}
[S. 148]
2) Vorlage: iuxta. In der zweitgenannten des Königs Mathias von 1477: nostri.^{^}
[S. 149]
1 )Vorlage: iuarentum. In der zweitgenannten Urkunde des Königs Mathias von 1477: iuramentum.^{^}