Urkunde Nr. 4199 aus Band VII

Seite im UB:

146-147

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 212.

Druckvorlage:

nach Original

Abdruck als:

Volltext

Sprache:

Latein

---

4199

Ofen 1477 Juli 3 König Matthias verlegt die Zollstätte des Grosswardeiner Kapitels wegen dem Zollstreit mit den ungarischen und siebenbürgischen Städten nach Debrezin.

Von der Kanzlei: Commissio propria domini regis.

Nos¹⁾ Mathias¹⁾ dei gratia rex¹⁾ Hungariae¹⁾, Bohemiae¹⁾ et cetera memoriae¹⁾ commendamus per praesentes, quod orta nuper coram nobis differentia inter fideles nostros honorabile capitulum ecclesiae Waradiensis ab una, ac cives et universos mercatores liberarum civitatum nostrarum Budensis videlicet et Pestiensis ac Albensis, Posoniensis, Cassouiensis, Czibiniensis, Brassouiensis, Koloswariensis, Bistriciensis et Schegeswar²⁾ aliarumque liberarum civitatum tam praetacti regni nostri Hungariae quam partium Transsiluana rum parte ab altera, super tributo in civitate Waradiensi per dictum capitulum exigi solito, in cuius exactione praefati cives et mercatores se per ipsum capilulum minimum vexari et praeter mensuram debitae solutionis onerari lamentabant, statueramus more pii et chatholici²⁾ principis quaestionem ipsam inter partes pro earum quietudine. Ex eo maxime quod de quanti tate solutionis ipsius tributi et partium productis iuribus nulla poterat haberi certitudo, compositione arbitrativa vel limitatione summaria complanarei Verum quia procuratores dicti capituli non parva temeritate ducti adeo se difficiles in ea re reddiderunt, ut nullam compositionem nullamque limitationem et nullam prorsus pacis reformationem nomine ipsius capituli admitterent. Volentes prout ex officio suscepti regiminis tenemur iniuste oppressos relevare et finem litibus imponere, de consilio praelatorum et baronum nostrorum nobiscum in discussione causae ipsius existentium, commutationes rerum venalium, quae ante haec tempora in civitate Waradiensi praefata fieri solebant, quarumque occasione tributi ipsius exactio cupiditate comite de die in dies sine mensura et in grave ipsarum civitatum nostrarum praeiudicium adaucta fuit, de ipsa civitate Waradiensi in oppidum nostrum Debreczen vocatum, locum utputa mercantiis et commutationihus rerum earundem venalium omni commoditate competentem transferre decrevimus transtulimusque et transferimus praesentium per vigorem, inhibentes nihilominus praefatis omnibus civibus et mercatoribus praenarratarum liberarum civitatum nostrarum ac aliorum quorumcumque sub poena perpetuae infidelitatis et ablationis omnium rerum et bonorum suorum eisque districte praecipientes mandantes, quatenus a modo, deinceps nullus omnino eorundem civium et mercatorum res suas commutandi vel vendendi causa in dictam civitatem Waradiensem deferre, ad deponendum aut inibi quoquomodo mercari audeat. Sed omino volumus et mandamus, quod huiusmodi depositum et mercantias omnes et singuli generaliter in dicto oppido nostro Debreczen libere faciant et exerceant. Et nec secus facere praesumant poena sub praemissa quae omnia et singula, ne aliquis per ignorantiam in errorem et contra hanc nostram determinationem deveniat volumus et mandamus per fora et alia loca publica ubilibet proclamari. Praesentibus perlectis exhibenti restitutis. Datum Budae feria quinta proxima post festum visitationis beatae [S. 147] Mariae virginis, anno domini millesimo quadringentesimo septuagesimo septimo, regnorum nostrorum anno Hungariae et cetera vigesimo, Bohemiae vero nono.

Auf der Rückseite von der Hand des gleichzeitigen Kronstädter Notars: Litera super teolonio ad Dobricz et ad Varadium.


1) Vergrösserte Anfangsbuchstaben.[5x]^{^}
2) So Vorlage. [2x]^{^}